Менингококк инфекцияси

Профилактикаси. Беморлар иложи борича эрта аниқланади ва ажратиб қўйилади.

Уй шароитида бемор билан алоқада бўлган шахслар, болалар муассасаларига қатнайдиган болалар ва у ерда ишлайдиган шахслар жамоага тиббиёт кўригидан ва манфий натижали бактериологик текширув ўтказилгандан кейингина қўйилади.

Касалликнинг генерализациялашган тури ва назофарингит билан оғриган беморларни менингококк ташувчанликка бактериологик тўла текшириб, улар клиник жиҳатдан бутунлай соғайгандан кейингина касалхонадан чиқарилади.

Менингококк инфекцияли реконвалесцентлар болалар муассасаларига, мактабга, мактаб-интернатга, санаторийга ва ўқув юртларига бактериологик текшириш натижаси манфий бўлгандагина қўйилади. Бу текшириш бемор касалхонадан чиққандан 5 кун ўтгач ўтказилади. Менингококкнинг генерализациялашган тури билан оғриган беморларни улар тузалгандан 6 ой, менингококкли назофарингит билан оғриган беморларни 2 ой,_: ташувчиларни 1 ой ўтгандан кейингина эмланади.

Менингококк ташувчи болалар аниқлангандан кейин улар санация ўтказиш мақсадида мактабгача болалар муассасаларига қўйилмайди. Менингококк ташувчилар аниқланганда, улар уйда ёки шу мақсад учун ажратилган поликлиникалардаги махсус бўлимларда санация қилинади. Бунда катталарга 0,5 мг дан 4 кун давомида ампициллин ва левомицетин берилади, болаларга эса худди шу препаратлар ёшига қараб бериладиган миқдорларда тайинланади.

Бактерия ташувчиларга санация мақсадида 2 кун давомида ҳар 12 соатдан 0,3 мг дан рифампицин тавсия этилади. Бактерия ташувчилар қандай препарат қабул қилганларидан қатъи назар санация курси ўтказилгандан 3 кун ўтгач, бактериологик текширувдан ўтказилади, текшириш натижаси манфий бўлгандагина улар жамоа орасига қўйилади.

Ўчоқларда якунловчи дезинфекция ўтказилмайди. Хонани ҳар куни хўл латта билан артиб чиқилади ва шамоллатиб турилади. Ультрабинафша нурлар ва бактерицид лампалар билан нурлантирилади.

Махсус профилактика. А ва С серогуруҳга мансуб менингококк вакцинаси менингококк ўчоқларида npoфилактика ва шошилинч профилактика мақсадларида қўлланади. Вакцинация профилактика мақсадида эпидемик ноқулай бўлиб қолган майдонларда (100000 аҳолига 2,0 касал тўғри келса) ўтказилади. Бунда 1 ёшдан 7 ёшгача бўлган ҳамма болалар, олий ўқув юрталарининг биринчи курс талабалари, болалар уйига янги қабул қилинган болалар, мактаб-интернатларнинг биринчи синф ўқувчилари ҳам эмланади. Касалланиш 100000 кишига 20,0 тадан ошиб кетган холларда 20 ёшгача бўлган ҳамма аҳоли эмланиши керак.

Шошилинч профилактика мақсадида менингококк инфекциясининг генерализацияланган турига учраган бемор аниқланганда, 5 кун мобайнида эмлаш ўтказилади.

Иккиламчи эмлаш худди ўша шахсларга 3 йилда камида бир марта ўтказилади. Эмланган жамоаларда карантин тайинланмайди. Бу ерда, шуниигдек, бактериологик текширув ва иммуно-профилактика 1 ёшдан катта болаларда хам ўтказилмайди.