Maxmudov umidjon maxmud o’G’li “achitqi zamburug’larini o’stirish uchun oziqa muhitlarini tanlash”

Tadqiqot ob’ekti sifatida Saccharomyces cerevisiae va uning LV-7, LK, LV-3 shtammlari, qishloq xo’jalik ekinlaridan kartoshka tugunaklari, qizil va xashaki lavlagi, sabzi, selderey, batat o’simliklarining ildizmevalari ishlatilgan.
Tadqiqot mavzusining adabiyotlar sharhida Saccharomyces cerevisiae ning biologiyasi, moddalar almashinuvining o’ziga xos xususiyatlari, sanoat miqyosida ishlab chiqarish sharoitlari, qishloq xo’jalik ekinlaridan kartoshka tugunaklari, qizil va xashaki lavlagi, sabzi, selderey, batat o’simliklarining biologiyasi va biokimyoviy tarkibi tahlil qilingan.
Tadqiqot ishining uslublari. Mikrobiologik, biokimyoviy, biotexnologik.
Ilmiy yangiligi. Dissertatsiya ishining ilmiy yangiliginon mahsulotlari tayyorlanadigan hududlarda mahalliy usulda tayyorlangan achitqilarni sof kulturalarini ajratib olishga achitqilarni o’stirishda va sof kulturalarini ajratishda uglevodli – oqsilli organik batat – xashaki lavlagi ozuqa muhitlarida o’sishi va ko’payish tezligi o’rganildi. Selektiv achitqilarni tanlashda koloniyalarning hosil bo’lish tezligi, hosil bo’lgan koloniyalarning katta – kichikligi kabi sifatiy belgilari tadqiqot qilindi. LV-7, LK va LV-3 achitqi shtammlari boshqa hozirgi kunda ma’lum bo’lgan shtammlarga nisbatan, yuqori biomassa olish imkoniyatini beradi.Olingan natijalar asosida achitqilarni o’stirish uchun uglevodlar manbayi mono va oligo saxaridlar manbayi sifatida kartoshka tugunagi, sabzi ildizmevasi, selderey ildizmevasi va bargi, batat tugunagi va xashaki lavlagi ildizmevasini, saxaroza manbayi sifatida selderey ildizmevasi va qisman bargi, vitaminlar manbayi sifatida, sabzi ildizmevasi, selderey ildizmevasi va bargi, oqsil manbayi sifatida batat tugunagi va xashaki lavlagi ildizmevasi ishlatilishi mumkin. Kul elementlar manbayi sifatida turli xil mineral moddalar va mikroelementlar, kartoshka po’stlog’ida, selderey bargi va ildizmevasi xizmat qilishi mumkin. Shu xususiyatlarni hisobga olgan holda, har bir qishloq xo’jalik ekinlarida tayyorlangan ozuqa muhitlarida alohida va ularning turli xil nisbatlarida ozuqa muhitlari tayyorlandi va yuqori mahsuldor achitqining LV-7, LK va LV-3 shtammlari o’stirib o’rganilgan.