Mavzular: Pedagogik mahorat haqida tushuncha, uning oʻqituvchi faoliyatidagi oʻrni va ahamiyati. Pedagogik fikr tarixi va maktab amaliyotida

Abu Ali ibn Sino (980-1037) mudarrislar bolalarga ta’lim berishdek mas’uliyatli burchni bajarib, javobgarlik hissi bilan yondashishini uqtiradi va mudarrislarga faoliyatda muvaffaqiyatga erishish garovi boʻlgan quyidagi tavsiyalarni beradi:

1. 
   Bolalar bilan muomalada bosiq va jiddiy boʻlish;
   
2. 
   Berilayotgan bilimning oʻquvchilar tomonidan oʻzlashtirilishiga e’tiborni qaratish;
   
3. 
   Ta’limda turli shakl va metodlardan foydalanish;
   
4. 
   Oʻquvchining xotirasi, bilimlarni egallash qobiliyati, shaxsiy xususiyatini nazorat qilish;
   
5. 
   Bolalarni fanga qiziqtira olish;
   
6. 
   Berilayotgan bilimlarning eng muhimini ajratib bera olish;
   
7. 
   Bilimlarni oʻquvchilarning yoshi, aqliy darajasiga mos ravishda tushunarli olib borish;
   
8. 
   Har bir soʻzning bolalar hissiyotini uygʻotish darajasida boʻlishiga erishish.
   

Sharqning buyuk mashoyixlaridan biri Abu Nosir Tusiy oʻzining «Oʻqituvchilarni tarbiyalash toʻgʻrisida» nomli asarida quyidagilarni yozadi: «Murabbiy munozaralarini toʻgʻri olib borish, rad etib boʻlmaydigan darajada isbot qilishi, oʻz fikrlarini toʻgʻriligiga ishonishi, nutqi mutlaqo sof va ravon boʻlishi lozim. Murabbiy nutqi hech qachon zaharxandali, qoʻpol va qattiq boʻlishi mumkin emas. Dars paytida oʻzini tuta olmasligi darsni buzadi».
Buyuk mutafakkir Abdurahmon Jomiyning «Iskandar xirodnomasi” asarida muallimlar haqida quyidagi fikrlar bildirilgan: “muallim aqlli, adolatli, oʻzida barcha yuksak fazilatlarni mujassamlashtirgan boʻlishi kerak. Oʻzini nomunosib tutgan murabbiy hech vaqt bolalarga bilim bera olmaydi” . Shoir muallimning hayotdagi oʻrnini quyidagi baytida bayon qiladi:
Ustod, muallimsiz qolganda zamon,
Nodonlikdan qora boʻlurdi jahon.