Mavzu: Suyaklarning organ sigatida tuzilishi. Bosh suyagi. Reja: bosh suyagi tarkibiga kiruvchi suyaklar

Mavzu: Suyaklarning organ sigatida tuzilishi.
Bosh suyagi.
Reja:

1. 
   bosh suyagi tarkibiga kiruvchi suyaklar
   
2. 
   suyaklarning anatomik tuzilishi
   
3. 
   bosh suyagi tarkibiga kiruvchi suyaklarning topografiyasi
   
4. 
   Bosh suyagining hayvonlarda farq qiluvchi hususiyatlari
   

Bosh suyagining tuzilishi
Bosh skeleti - cranium o‘zida organizmning yashab, hayot kechirishi uchun eng muhim organlarni saqlovchi, umurtqa pog‘onasining old tomonida joylashgan suyaklar kompleksidir.
Bosh skeleti yassi juft va toq suyaklardan tuzilgan bo‘lib, bir-biriga zich joylashadi, hattoki, ba’zi suyaklar birlashib ketadi. Bosh skeletida havo bilan to‘lib turuvchi va uni engillashtirishda muhim ahamiyat kasb etuvchi bir qancha kovaklar, qon tomirlar va nervlar o‘tishi uchun bir necha teshiklar bo‘ladi. Bosh skeleti miya va yuz bo‘limiga bo‘linadi:
Miya bo‘limi - neurocranium s. cranium cerebrale qo‘yidagi suyaklardan tarkib topgan: ensa suyagi, ponasimon suyak, panjarasimon suyak, tepa suyagi, tepaaro suyak, chakka suyagi, peshona suyagi.
Yuqoridagi suyaklar o‘zaro birlashib, miya bo‘shlig‘ini hosil qiladi. Uning ichki tomoni “barmoq izi” - impression digitalis simon g‘adir - budir bo‘lib, unda bosh miya pushtalari joylashadi
Ensa suyagi - os occipitalis - bosh suyagining orqa (aboral) tomonida joylashgan bo‘lib, asosiy (tana), 2 ta yon qism va tangachasimon qismlardan tarkib topgandir.
Asosiy qism yoki tanasi - pars basilaris, s.corpus occipitalis - bosh suyagining asosida joylashadi va ponasimon suyak bilan birlashadi. Ensa suyagining tashqi yuzasida, ya’ni ponasimon suyak bilan birlashgan joyida bosh muskullarining kelib birikishi uchun juft muskul do‘ngligi - tubersulum muskularis bo‘ladi.