Mavzu: Suyaklarning organ sigatida tuzilishi. Bosh suyagi. Reja: bosh suyagi tarkibiga kiruvchi suyaklar

Ensa suyagi tanasining o‘tkir yon qismlari qon tomirlari va nervlar o‘tishi uchun yirtiqsimon teshik - foramen lacerum ni hosil qiladi.
Tananing miya yuzasida uzunchoq miya joylashishi uchun chuqurcha - fossa medullae oblanqatae va uning oldirog‘ida miya (voroliev) ko‘prigining chuqurchasi - fossapontis bo‘ladi. Ensa suyagi tanasining orqa uchi ensaning katta teshigi - foramen occipitalis maqnum bilan chegaralanadi.
Yon qismlar - partes laterals - ensaning katta teshigi bilan chegaralanadi va atlant suyagi bilan birlashishi uchun bo‘g‘im bo‘rtiklari - condyli occipitalis bo‘ladi. Pastda ular bo‘rtiqlararo teshik orqali bir-biridan ajralgan. Bo‘g‘im bo‘rtigining yuqorisida bo‘rtik usti chuqurcha, pastda esa bo‘rtik osti chuqurcha, ya’ni 2-3 ta tilosti teshigi bilan birgalikda - foramina hypoglossa bo‘ladi. Bu teshikdan nervlar o‘tadi. Ensa suyagining yon tomonlarida tanadan keladigan muskullar birlashishi uchun bo‘yinturuq o‘simtasi -processus jugularis mavjud.
Tashqi va ichki suyak varaqchalari o‘simtasida ensa havo bo‘shlig‘i - sinus occipitales yotadi.
Ensa suyagining tanachasimon qismi - squama occipitales - ensa suyagining orqa qismida, ensaning katta teshigining yuqorisida joylashadi. Uning yuqorisi ensa tarog‘ini - crista occipitales, bo‘yin payi birlashadigan qismi - pars nuchalis tashqi ensa bo‘rtigini hosil qiladi. U bo‘yinning katta payini tutib turish uchun xizmat qiladi.