Mavzu: Ona-Vatan

Mavzu: Saxiy va kamtar bo'ling (sahna-dars, integrativ dars)

Maqsad:

a) ta'limiy: o'quvchilarga saxiylikning, kamtarlikning fazilatlari haqida ma'lumot berish;

b) tarbiyaviy: o'quvchilarda saxiylik, kamtarlik fazilatlariga xos ko'nikmalarni tarkib toptirish;

d) rivojlantiruvchi: o'quvchilarda ochiqqo'llik fazilatlarini rivojlantirish.

Dars uslubi: sahna-dars

Dars jihozi: mavzuga oid rasmlar

Dars texnologiyasi

Dars elementlari	I	II	III	IV	V	VI	VII	VIII	IX	X	XI
Davomiyligi	2	3	5	5	5	5	5	5	3	5	2

Texnologik xarita

Mavzu	Saxiy va kamtar bo'ling
Maqsad va vazifalar	O'qituvchi: o'quvchilarda saxiylikning hikmati, saxiylik-fazilat, xasislik esa illat ekanligi haqidagi tushunchani tarkib toptirish; kamtarlik fazilatlari haqida ma'lumot berish.
Dars jarayonining borishi	Tashkiliy qism. O'tgan mavzuni takrorlash. Yangi mavzuni e'lon qilish. Sahnalashtirilgan ko'rinish. Sahna ko'rinishi haqida suhbat. Hikoyatni o'qish va fikr bildirish. Dam olish daqiqasi. Darsni yakunlash va xulosalash. Uyga vazifa topshirish.
O'quv jarayonini amalga oshirish texnologiyasi	Uslub: sahna-dars; Shakl: noan'anaviy dars. Texnologik usul: interfaol. Vosita: darslik, sahna ko'rinishi uchun kerakli jihoz va liboslar, Hotamtoy va o'tinchi chol rasmi. Nazorat: frontal, yakka.
Kutilayotgan natijalar	O'qituvchi: darsning maqsadiga erishish.	O'quvchi: saxiylik, kamtarlik fazilatlarini anglash.
Kelgusi rejalar	O'qituvchi: o'quvchi­larda saxiylik, kamtarlik fazilatini tarkib top- tiradi.	O'quvchi: saxiylikning, kamtarlikning ahamiya- tini anglaydi.

Darsning borishi:

I. Tashkiliy qism.

II . O'tgan mavzularni takrorlash.

III. Boshlovchi-o'quvchi yangi mavzuni e'lon qiladi.

IV. O'quvchilar ijrosida Alisher Navoiyning quyidagi hikoyati sahnalashtirib ko'rsatiladi:

Bir kuni Hotamtoydan so'rabdilar:

— Ey, Hotamtoy! Yer yuzida sendan ham sharafliroq, faqir-fuqarolarning ehtiyojlarini qondirgan biror insonni ko 'rganmisan yoki eshitganing bormi?

Hotamtoy bunday javob beribdi:

— Bir kuni qirqta qo'y so'ydirdim. Ziyofat berib, hammani taklif qildim. O'zim yana biror kimsa bormikan deb chor-atrofni aylandim. Qarasam, shox-shabbalarni bog'lab, orqalab olgan bir sol kelmoqda. Unga yaqinlashib:

— Ey, ota! Hotamtoy katta ziyofat berayotganini eshitmadingizmi? Qo'ylar so'ygan, holvalar, palovlar tayyorlagan. Xalq hammasi ana shu dasturxon atrofiga to'plangan. Siz nega bormadingiz? ~ dedim.

Chol:

— O'zim orqalagan mana shu o'tinlarni sotib, ovqat olaman. Bu ovqat men uchun Hotamtoy bergan ziyofatdan lazzatliroq. Kuch-quvvatim bor ekan, hech kimga yuk bo'lishni istamayman, - deb javob berdi.

Mana shu cholni o'zimdan ham sharafliroq bildim, uning qadrini o'zimdan balandroq ko'rdim, debdi Hotamtoy"

V. Boshlovchi-o'quvchining quyidagi savollari asosida muammo yechimini izlashga qaratilgan suhbat o'tkaziladi:

1. O'tinchi chol nega Hotamtoyning ziyofatiga borishni xohlamadi?

2. Qariyaning saxiyligi nimada?

VI. Avvaldan tayyorlanib kelgan o'quvchi saxiylik va kamtarlik haqida "Buni bilib oling" shartli belgisi orqali berilgan ma'lumotlarni o'z fikrlari bilan boyitib izohlaydi.

VII. Darslikdan hikoyatni va «Kamtarga kamol, manmanga zavol» hikoyasini o'qish va ilovada berilgan savol va topshiriqlar asosida tahlil qilish.

VIII. Dam olish daqiqasi: Saxiylik va kamtarlik haqida qo'shiq tinglanadi.

IX. Darslikda berilgan rasmlar mazmuni izohlanadi.

X. Dars yakunlanib, o'quvchilar bilimi rag'batlantiriladi.

XI. Uyga vazifa: Saxiylik haqida maqollar topib kelish va «Men bilgan kamtarin inson» mavzusida matn tuzib kelish.