Mavzu: Mustaqillik va ona tili haqida suhbat

19.04.2017 148- 149- dars
Mavzu: 14- nazorat ishi va uning tahlili.
Maqsad: a) Ta’limiy: o’quvchilar bilimini tekshirish va baholash, o’quvchilarning bayon yozish malakalarini oshirish;
B) Tarbiyaviy: o’quvchilarni mustaqil fikrlashga o’rgatish, tabiatda bo’layotgan voqea- hodisalarga sinchkovlik bilan qarashga o’rgatish;
C) Rivojlantiruvchi: o’quvchilar nutqida fe'ldan ongli foydalanish malakasini rivojlantirish. Zamon qo'shimchalarining talaffuzi va yozilishi haqidagi ko'nikmani hosil qilish.
Darsning uslubi: mustaqil ish.
Darsning borishi:
I. Tashkiliy qism:
Salomlashish;
davomatni aniqlash;
Sinfni darsga tayyorlash;
Darsning maqsadini aytish.
II. Matn mazmuni.
TAYYOR REJA ASOSIDA MATNDAN TANLAB BAYON YOZISH UCHUN MATNLAR
Quyonchilik fermasi
Maktab quyonchilik fermasining boshlig'i uyida quyon boqishni xohlovchi bolalarni aniqladi. U quyonboqarlarga bir juftdan quyon beradigan bo'ldi.
Alisher - bo'lg'usi fermer. U maktab fermasi boyligiga boylik qo'shmoqchi bo'ldi. Shuning uchun quyonchilik fermasi boshlig'idan uyida boqish uchun bir juft quyon olib keldi.
Otasi quyonlarga darrov uya yasab berdi. Alisher quyonlarni boqishda quyonboqarlardan yordam olib turdi.
Oradan bir yil o'tdi. Quyonlar yigirmatadan oshib ketdi. Alisher o'nta quyonning terisini maktab fermasiga topshirdi.
Alisher maktab boyligiga boylik qo'shdi. Eng muhimi - mehnat qilishni o'rgandi. Maktab quyonchilik fermasining a'zolari Alisherdan minnatdor bo'lishdi. (87 so'z, 65-70 so'z bo'lishi ham mumkin.)
Imlo: bo'g'in ko'chirish qoidasi eslatiladi. Juft so'zining yozilishi va uning o'rnida qanday so'z ishlatish mumkinligi tushuntiriladi.
Bir unli tovushdan hosil bo'lgan bo'g'inlarni birinchi yo'lda qoldirib bo'lmasligi va ikkinchi yo'lga ham ko'chirib bo'lmasligi (jamoa shaklida) uqtiriladi.
Tahlil: Alisherning maqsadi nima edi? Hikoyadan nimani o'r-gandingiz? Nima uchun maktab quyonchilik fermasi a'zolari Alisherdan minnatdor bo'lishdi?
Topshiriq: Alisherning maktab boyligiga qo'shgan hissasini ifodalang.
«Alisher - bo'lg'usi fermer» mavzusida bayon yozing. (Bayon 70-75 so'zdan iborat bo'lishi mumkin.)
Reja:
1. Alisher - bo'lg'usi fermer.
2. Otasining yordam berishi.
3. Oradan bir yil o'tdi.
4. Minnatdor bo'lishdi.
5. Hikoyaning ahamiyati.
Tayanch so'zlar: fermer, juft, quyonboqar, eng muhimi, mehnat, a'zolari.
2-darsda bayon tahlili, xatolar ustida ishlash o’tkaziladi.