Мавзу матни Кесарча кесишга абсолют курсатмалар

Ҳомила бошининг ёзилган холда келиши.
Хомила бошининг ёзилган холда бўлишининг 3 даражаси фарқланади.

1. 
   Бошнинг олдинги қисми билан келиши-бошловчи нуқтаси катта лиқилдоқ, катта сегмент диаметри 12 см.
   
2. 
   Пешана билан келиши-бошловчи нуқта қошлар ўртаси, катта сегмент 13см.
   
3. 
   Юз билан келиши-бошловчи нуқта энгак, катта сегмент 9,5 см.
   

Сабаблари:
Кўпсувлилик, камсувлилик, етилмаган ҳомила, бачадон тонусининг пасайиши, йирик ҳомила, йўлдошнинг олдинда келиши, бачадон ва ҳомила ривожланиш нуқсонлари (бўйин ўсмалари, киндикка ўралиш).

Бошнинг олдинги қисми билан келиши.
Диагностика.
Ташқи акушерлик кўригида бачадон тубининг баландлиги анча юқори, бошнинг тўғри ўлчами ўлчанганда 12 см. ва ундан катта бўлиши. УТТ.
Туғруқ даврида қин кўригида ўтказувчан ўқ – катта лиқилдоқ, сагиттал чок кичик чаноқ кириш қисмининг қийшиқ ёки кўндаланг ўлчамида жойлашган.
Туғруқдан сўнг туғруқ шиши катта лиқилдоқ сохасида жойлашади.
Муддатига етган ҳомиладорликда, йирик бўлмаган ҳомилада ва чаноқ ўлчамлари нормал бўлганда туғруқ табиий йўллар орқали олиб борилади.
Бачадон бўйни тўлиқ очилганда ҳомила боши она чаноқ ўлчамларига мослиги баҳоланади.
Туғруқни оператив якунлашга кўрсатмалар: йирик ҳомила,муддатидан ўтган ҳомила, тор чаноқда, ёши ўтган биринчи туғувчиларда, туғруқ фаолиятини сустлигида.
Иккинчи даврда ҳомила боши кичик чаноқ бўшлиғида жойлашса, туғруқ фаолиятини сустлиги, ҳомила гипоксияси бўлса туғруқ акушерлик қисқичларини қўйиш билан якунланади.
Учинчи давр ва эрта чилла даврда қон кетишни олдини олиш учун бачадонни қисқартирувчи воситалар юборилади.
Пешана билан келиши.
Диагностика.
Ташқи акушерлик кўрикларида бачадон тубининг баланд жойлашиши, ҳомила энсаси ва умуртқаси орасида бурчакнинг бўлиши. Юрагининг уриши кўкрак қафаси соҳасида яхши эшитилади. Туғруқ пайтида қин кўригида бошнинг пешана қисми аниқланади, пешана чокларининг бир томондан пешана дўнглиги иккинчи томондан катта лиқилдоқ билан тугаши пальпацияланади.
Ҳомила туғилгач туғруқ шиши пешана сохасида жойлашади (пирамидасимон бош).
УТТ ташхислаш.
Муддатига етган ҳомиладорлик билан чаноқ ўлчамлари нормада бўлса туғруқ содир бўлмайди, яъни туғруқ йўллари орқали ҳомила боши ўзининг каттароқ ўлчами билан клиник тор чаноқ белгисини шакиллантиради.
Пешана билан келаётганлигидан шубха қилинганда госпитализация қилиниши, сабабини аниқлаш ва туғруқни олиб бориш тактикасини белгилаш лозим.
Ҳомила олди сувлари муддатидан олдин кетса кесарча кесиш лозим.
Агар кесарча кесиш муддати ўтиб кетган бўлса, ҳомила боши кичик чаноқ сатхига тушган бўлса, у ҳолда бачадон ёрилиш хавфини чеклаш, ҳомила холатини кузатиш, ҳомила бошининг бир сатхда узоқ туриб қолишига йўл қўймаслик, ҳомила гипоксиясини профилактика қилиш, узоқ сувсизлик давр бўлса, антибактериал терапия қилиш лозим.
Ҳомила туғилиши секинлашиб, гипоксия белгилари юзага келса, акушерлик қисқичлари ёки ҳомилани бузиш операцияси қилинади.