Мавзу матни Кесарча кесишга абсолют курсатмалар

7-Мавзу: Замонавий акушерликда кесарча кесиш амалиёти. Кўрсатма ва қарши кўрсатмалар. Oперацияга тайёрлаш. Oператив акушерликда aсептика ва aнтисептика. Oғриқсизлантириш. Aсбоблар. Беморни oперациядан кейинги парваришлаш. Бачадонда чандиғи бор ҳомиладорларни бошқариш ва туғруқни олиб бориш.
Мавзу матни
Кесарча кесишга абсолют курсатмалар.
Абсолют кўрсатмалар қуйидаги сабабларни ўз ичига олади:
-III – IV даражали тор чаноқ;
-ҳомилани туғилиши учун тўсқинлик қилувчи ўсма ва чандиқли ўзгаришлар;
-плацентанинг тўлиқ олдинда жойлашиши ёки нотўлиқ жойлашганда қон кетганда;
-нормал жойлашган плацентанинг муддатидан илгари кўчиши (табиий туғруқ йўллари орқали туғруқни тез якунлаш учун шароит бўлмаганда);
-хомиладорлик ёки туғруқнинг биринчи даврида эклампсия. Тезда туғдириб олиш имконияти бўлмаган (оғир даражали гестоз) Ҳомиладорларда даво самара бермаган холда ва буйрак-жигар етишмовчилиги юзага келганда;
-ҳавф солувчи бачадон ёрилишида;
-ҳомиланинг нотўғри жойлашишида;
-бачадон деворининг нотўлиқлиги (илгари кесарча кесишдан, миомэктомия, бачадон перфорациясидан кейин ва бошқалар);
-ҳомила бошининг нотўғри жойлашиши ва олдин келишида (пешана, тепа билан, асинклитик, ўқёйсимон чокнинг юқорида тўғри туришида);
-тирик ҳомилада киндик тизимчасининг олдин келиши ва тушиши; экламсия олди оғир формаларида табиий туғруқ йўллари орқали туғруқни тез якунлаш учун шароит бўлмаганда;
-даволаш самара бермаган туғруқ фаолиятининг сустлигида;
-кечиши прогрессияланган ва декомпенсация холатлари юзага келган экстрагенитал касалликларда (гипертоник касаллик, юрак-қон томир тизими касалликлари ва бошқалар), қачонки туғруқни тезда якунлаш талаб қилиниб, аммо табиий туғруқ йўллари орқали шароит бўлмаганда;
- чаноқ суягининг деформацияси ва синишларида;
- анамнезида сийдик-жинсий йул, ичак-жинсий йўли оқмалари булганда,
- хавф солувчи ва бошланган бачадон ёрилишида,
-ташқи жинсий аъзолар сохасида яққол намоён бўлган веналарнинг варикоз кенгайишида;
-куп сонли комбинацияланган курсатмалар (катта ёшли биринчи марта туғувчи аёлларда йирик ҳомиланинг чаноқ билан келиши).