Mavzu: kichik biznes va xususiy tadbirkorlikni qo’llab – quvvatlash tizimi va uni modernizatsiya qilish

Birinchidan, mamlakatimizning barcha mintaqalarida biznesni rivojlantirish uchun yanada qulay ishchan muhit yaratish, tadbirkor­lik, kichik va xususiy biznesga yanada keng erkinlik berish, byurokratik to’siq va g`ovlarni bartaraf etish bo’yicha zarur chora - tadbirlarni amalga oshirish lozim.
O’zbekiston xususiy mulkning teng huquqlilgini qaror toptirish, uni ta’sirchan davlat va jamoatchilik mexanizmlari bilan himoya qilishni ta’minlash yo’lini bosib o’tdi. Keyingi yillardagi xususiy mulkdorlar–tadbirkorlar huquqiy himoyalanishini kuchaytirishga, nazorat qiluvchi organlarning tadbirkorlik subyektlari faoliyatiga asossiz aralashishlarini qisqartirishga, iqtisodiy sohada sodir etilgan huquqbuzarliklar uchun ma’muriy va jinoiy jazolarni liberallashtirishga yo’naltirilgan me’yoriy - huquqiy bazaning isloh qilinishi amalda qonunchilikning barcha sohalarini qamrab oldi.
Biroq, katta miqyosli va ahamiyatga molik ishlar qilingan bo’lsa-da, me’yoriy bazamizda xususiy mulkdor – tadbirkorning huquqlari va qonuniy manfaatlariga dahl nuqsonlar qolmadi deb aytishga hali erta. Hatto Respublikaning Fuqarolik va Jinoyat kodekslari singari bozor islohotlari va tadbirkorlikning shakllanishi davomida bir necha marta o’zgartirilgan va to’ldirilgan, eng yirik kodekslashtirilgan hujjatlarning mazmuni hamda qoidalarini qo’llashga taalluqli masalalar hanuzgacha mavjud. Shu munosabat bilan tadbirkorlik faoliyati muhitining qanday holatda ekani, buning uchun zarur shart-sharoitlarni yaratish va bu faoliyatning amaldagi rivojlanish sur`atlari barcha. darajadagi hokimliklar faoliyatini baholashning asosiy mezoniga aylanishi darkor.
Bosh prokuratura kichik biznes va xususiy tadbirkorlik subyektlarining moliyaviy-xo’jalik faoliyatiga har qanday noqonuniy aralashuvni iqtisodiy islohotlarni chuqurlashtirish bo’yicha davlat siyosatiga qarshi qaratilgan harakat sifatida ko’rib chiqish va huquqbuzarlarga nisbatan qonunchilikga muvofiq javobgarlik normalarini qo’llashni amalga oshirishi lozim.