Mavzu: kichik biznes va xususiy tadbirkorlikni qo’llab – quvvatlash tizimi va uni modernizatsiya qilish

II-BOB. O’ZBEKISTONDA KICHIK BIZNES VA XUSUSIY TADBIRKORLIKNI MODERNIZATSIYALASH VA RIVOJLANTIRISH


2.1. KICHIK BIZNES VA XUSUSIY TADBIRKORLIK RIVOJLANTIRISHNING DAVLAT DASTURLARI

Prezidentimiz I. A. Karimov O’zbekiston Respublikasi Konstitutsiyasi qabul qilinganligining 2 yilligiga bag’ishlangan tantanali marosimdagi ma’ruzasida 2016–yilni mamlakatimizda “2016 -YILDA IQTISODIYOTIMIZDA TUB TARKIBIY O‘ZGARISHLARNI AMALGA OSHIRISH, MODERNIZATSIYA VA DIVERSIFIKATSIYA JARAYONLARINI IZCHIL DAVOM ETTIRISH HISOBIDAN XUSUSIY MULK VA XUSUSIY TADBIRKORLIKKA KENG YO‘L OCHIB BERISH – USTUVOR VAZIFAMIZDIR”¹⁶ deb e’lon qildi. Shunga muvofiq, kirib kelgan yilning ustuvorliklari belgilandi. Bu yil O’zbekistonda kichik va xususiy tadbirkorlikni rivojlantirishga alohida e’tibor beriladigan yil bo’lmoqda.

Mulkdorlarning o’rta sinfini shakllantirish, ichki bozorni raqobatbardosh va sifatli mahsulotlar bilan to’ldirish, yangi ish o’rinlari yaratish va shu asosda aholi daromadlarini ko’paytirish va farovonligini oshirishning muhim omili, mamlakat taraqqiyoti yo’lidagi faol harakatlantiruvchi kuch sifatida kichik biznesning va xususiy tadbirkorlikni yanada rivojlantirish uchun qulay shart – sharoitlarni yaratish bo’yicha aniq maqsadga yo’naltirilgan keng chora – tadbirlar kompleksini amalga oshirish maqsadida, shuningdek, 2011–yil Respublikamizda “Kichik biznes va xususiy tadbirkorlik yili” deb e’lon qilinganligi munosabati bilan muayyan yo’nalishlarga asoslangan “Kichik biznes va xususiy tadbirkorlik yili” Davlat dasturi qabul qilindi.
O’zbekiston Respublikasi Prezidenti Islom Karimovning 2015-yilda mamlakatimizni ijtimoiy-iqtisodiy rivojlantirish yakunlari va 2016-yilga mo’ljallangan
eng muhim ustuvor yo’nalishlarga bag`ishlangan O’zbekiston Respublikasi Vazirlar Mahkamasining majlisida 2016-yilda kichik biznesning yalpi ichki mahsulotdagi ulushini 57 foizga yetkazish vazifasi qo’yildi¹⁷. 2016-yilga mo’ljallangan iqtisodiy dasturning eng muhim ustu­vor yo’nalishlari sifatida quyidagilar belgilab olindi: