мавзу. Жараёнли калькуляция қилиш усули соат Режа. Жараёнли калькуляцияга тавсиф бериш

1-жадвал
Шартли ишлаб чиқариш ҳажмининг ҳисоби

Кўрсаткичлар номи	Ҳисобга олинадиган бирликлар, минг сўм	Шартли бирликлар
		Моддий харажатлар	Қўшилган харажатлар
Белгиланган муддат бошида тугалланмаган ишлаб чиқариш	15	-	9
Муддат давомида бошланган ва тугалланган	57	57	57
Белгиланган муддат якунида тугалланмаган ишлаб чиқариш	3	3	1,5
Жами	75	60	67,5

Маҳсулот бирлиги таннархи таҳлилини ифода этувчи жадвал (2-жадвал) асосида маҳсулот бирлиги учун шартли харажатларни моддий харажатлар ва қўшилган харажатлар бўйича алоҳида ҳисоблаш мумкин. Шартли маҳсулот бирлигига сарфланган харажатларни аниқлаш учун ушбу муддат давомида сарфланган моддий харажатлар ҳамда қўшилган харажатларни шу харажатлар бўйича шартли маҳсулот бирлиги сонига бўлинади. Асосий ишлаб чиқариш счётидаги ҳисобот даври боши қолдиғига киритилган харажатлар ҳисоб-китобда эътиборга олинмайди, чунки улар ўтган муддатга тегишлидир.

Якуний таннархни ифодаловчи жадвал жами ишлаб чиқариш харажатларини барча ишлаб чиқарилган маҳсулотларга тақсимлаш учун ишлатилади. Харажатларнинг бир қисми А цехида ишлаб чиқарилган маҳсулот таннархига киритилади, харажатларнинг қолган қисми эса ҳисобот даври якунига ушбу цех учун―асосий ишлаб чиқариш счётида қолдиқ сифатида қолдирилади.