Мавзу: Физик кимёвий анализ методлари

Қўшимча адабиётлар

1. 
   Туробов Н. Т., Ибраимов Ч. И., Бобоев Н. Б., Умбаров. И. О. Физик-кимёвий анализ методлари. Ўқув қўлланма. Термиз 1999, 6-8 бетлар.
   
2. 
   Крешков А. П. Основы аналитической химии. В 3-х томах. Т.3
   

М.: “Химия”. 1977,С. 265-270.

НЕФЕЛОМЕТРИК ВА ТУРБИДИМЕТРИК АНАЛИЗ


Мавзуга оид таянч тушунча ва иборалар: Нефелометрия, турбидиметрия, люминесценция, фотолюминесценция, катодлюминесценция, триболюминесценция. флуоресценция, фосфоресценция, люминофорлар. Стокс-Ломмель қоидаси. стокс силжиши. антистокс соҳалар.


РЕЖА

1. 
   Нефелометрия, турбидиметрия методларининг фарқини тушунади ва асослаб беради.
   
2. 
   Люминесценциянинг моҳияти, турларини изоҳлай олади.
   
3. 
   Флоуресценция, фосфоресценция ҳодисаларини ўрганади.
   

Дарснинг мақсади: Талабаларга нефелометрия, турбидиметрия методлари, люминесценциянинг моҳияти, турларини флоуресценция, фосфоресценция ҳодисаларини ўргатишдан иборат.


Индентив ўқув мақсадлари:

1. 
   Люминесценциянинг ҳосил бўлиши, молекуланинг қўзғалган ҳолатдан асосий ҳолатга ўтишдаги ўзгаришларни ўрганади
   
2. 
   Флоуресценция, фосфоресценция ҳодисаларини тушунади.
   
3. 
   Синглет-синглет, синглет-триплет ўтишларни изоҳлайди.
   
4. 
   Стокс-Ломмель қоидаси. Стокс силжиши. Антистокс соҳаларни асослаб бера олади..
   

Нефелометрия ва турбидиметрия. Нефелометрик ва турбидиметрик анализ усулларини амалга ошириш учун текшириладиган модда муаллақ ҳолдаги кам эрийдиган бирикмага айлантирилади. Шу муаллақ заррачалардан сочилган нур интенсивлигини ўлчашга асосланган усулга нефелометрия, муаллақ заррачалардан ўтган нур дастаси интенсивлигининг камайишини ўлчашга асосланган усул турбидиметрия деб юритилади.

Бу усулларда нур дастасининг интенсивлиги ўзгариб, унинг спектрал характеристикалари ўзгаришсиз қолади. Бу усуллар фақат кам эрийдиган муаллақ заррачалар (чўкма эмас) ҳосил бўлгандагина қўлланилади. Рэлей қонунига бўйсунади. Бунда нурни сочадиган заррачаларнинг ҳажми катта аҳамиятга эга. Шунинг учун ҳам аниқланадиган модда ва стандартнинг муаллақ заррачаларини ҳосил қилиш шароити бир хил бўлиши керак.
Бу усуллар чўкмайдиган муаллақ заррачалар ҳосил қиладиган моддаларнинг кам миқдорларини аниқлаш учун қўлланилади. Масалан, сульфатни барий сульфатнинг, хлоридни кумуш хлориднинг муаллақ заррачалари ҳолида аниқлашни келтириш мумкин. Шуни айтиш керакки, бир хил ўлчамли заррачаларни ҳосил қилиш жуда қийин. Кристалларнинг шакли ҳам ҳамма вақт бир хил
бўлмайди. Бу ҳолатлар хатоларни келтириб чиқаради. Шу боис, бу усуллар ҳозирги вақтда жуда кам қўлланилади.