Мавзу: Физик кимёвий анализ методлари

10.2.Стокс-Ломмель қоидаси.
Жисм томонидан ютилган энергиянинг бир қисми иссиқлик энергияси ҳолида чиқади. Шунинг учун люминесценцияда чиқаётган ёруғлик нурининг квантлари энергияси қўзғатувчи нурнинг квантлари энергиясидан кам бўлади. Бошқача айтганда, люминесцент нурланишнинг тўлқин узунлиги қўзғатувчи нурнинг тўлқин узунлигидан кам бўлади.
h_ю>h_л
Фақат спектрнинг бир қисми, бир-бирини қоплаши бундан мустасно. Бу қоидани Стокс-Ломмель топган ва қуйидагича таърифланади: “люминесциянинг спектри ютилиш спектрига қараганда тўлқин узунлиги катта бўлган томонга силжийди”.
Ютилиш спектрининг максимуми билан флуоресценция спектрининг максимуми орасидаги масофа стокс силжиши дейилади. Бу масофа қанчалик катта бўлса, қўзғатувчи нурни ажратиш осонлашади. Бир хил тўлқин узунликлар борки, унда флуоресценция квантлари ютилган нур энергиясидан катта бўлади. (антистокс ҳудуд) (область) Бунга сабаб шуки, модда молекулаларининг бир қисми асосий ҳолатнинг тебраниш поғоналарида ҳам бўлишидир.

13-расм. Ютилиш ва флуоресценция спектри.


Люминесцент анализнинг тавсифи

1. 
   Қўзғатиш усули билан:
   

1. 
   Фотолюминесценция-электромагнит нурланиш таъсирида қўзғатилса;
   

1. 
   Катодолюминесценция-катод нурлари таъсирида;
   

1. 
   Рентгенолюминесценция-рентген нурлари таъсирида;
   

1. 
   Хемилюминесценция-кимёвий реакция энергияси таъсирида;
   

1. 
   Триболюминесценция-кристалларни механик равишда парчалаш таъсирида қўзғалса;
   

1. 
   Радиолюминесценция-радиоактив нурлари таъсирида;
   

1. 
   Ионолюминесценция-ишқорий металлар ионлари вакуумда нурланиши таъсирида;
   

1. 
   Сонолюминесценция-ультратовуш таъсирида;
   

1. 
   Кандолюминесценция-термик қўзғатиш таъсирида;
   

1. 
   Атом флуоресценция-атомларни нурланиши: алангада оптик қўзғатиш натижасида.
   

2. Люминесцент усулнинг механизми ёки кинетикаси асосида:
а) резонанс люминесценция;
б) спонтан люминесценция;
в) мажбурий люминесценция;
г) рекомбинацияли люминесценция;
3. Люминесценцияланиш вақти асосида:
а) Флуоресценция-спонтан нурланиш узунлиги 10^-9-10^-10 секунд. Нур манбаи ўчирилганда нурланиш ҳам шу заҳоти тўхтайди.
б) Фосфоресценция-мажбурий нурланиш, узунлиги 0,01 секунддан бир неча секундгача. Нур манбаи ўчирилганда ҳам маълум вақтгача нурланиб туради.
4. Нурланиш тури асосида:
а) Дискрет марказларнинг нурланиши;
б) Кристаллофосфорларнинг нурланиши.