Mavzu: Byudjet hisobining standartlari va ularning mazmuni

Mazkur hisobot shaklini tuzishdan oldin byudjet tashkilotlari:
- hisobot yil boshida mavjud tovar-moddiy zahiralar, asosiy vositalar, qiymatliklar va noishlab chiqarish aktivlari qoldig’ ining to‘g’riligini (asoslanganligini);
- yil mobaynida byudjet tashkilotiga kirim bo‘lgan va byudjet tashkilotidan chiqim bo‘lgan barcha nomoliyaviy aktivlarni davlat byudjeti va byudjetdan tashqari mablag’lar hisobi bo‘yicha alohida holda hisob registrlarida Byudjet tashkilotlarida buxgalteriya hisobi to‘g’risidagi yo‘riqnoma (ro‘yxat raqami 2169, 2010 yil 22 dekabr’) bilan tasdiqlangan 326-son shakldagi asosiy vositalar bo‘yicha aylanma qaydnomada, 296-son shakldagi material qimmatliklarning miqdor-qiymat hisobi daftari (kartochkasi)da, Bosh jurnal kitobida va boshqa tegishli registrlarda) to‘g’ri aks ettirilganligini;
- kirim va chiqim operatsiyalarini tasdiqlovchi hujjatlarning mavjudligini va to‘liqligini tekshirib chiqadi.
Hisobotda asosiy vositalar, qiymatliklar va noishlab chiqarish aktivlari to‘g’risidagi ma’lumotlar Bosh jurnal kitobi va asosiy vositalar, qiymatliklar va noishlab chiqarish aktivlari hisobi yuritiladigan hisob registrlari ma’lumotlari asosida to‘ldiriladi.
Hisobotda asosiy vositalar, qiymatliklar va noishlab chiqarish aktivlarining (davlat byudjeti yoki byudjetdan tashqari mablag’lar hisobidan olinganligi ko‘rsatilgan holda) yil boshida mavjud qoldig’i, hisobot yili mobaynida kirimь bo‘lgan asosiy vositalar, qiymatliklar va noishlab chiqarish aktivlarining qiymati va chiqim bo‘lgan (hisobdan chiqarilgan) larining qiymati, shuningdek hisobot davri oxirida byudjet tashkilotlari balansida qolgan asosiy vositalar va nomoliyaviy aktivlarning qiymati ko‘rsatiladi.
Asosiy vositalar, qiymatliklar va noishlab chiqarish aktivlarini har yilgi qayta baholash natijasida boshlang’ich (qayta tiklash) qiymatining o‘zgarishi (oshishi yoki kamayishi) hisobot shaklining alohida 608 — ≪Qayta baholash natijasida≫ qatorida aks ettiriladi.
Tovar-moddiy zahiralar bo’yicha hisobot davri boshida va oxirida qoldig’ i, shuningdek byudjet tashkiloti ehtiyojlari uchun tovar-moddiy zahiralarning davlat byudjeti va byudjetdan tashqari mabla g’lar hisobidan sarflangan summasi alohida holda ko‘rsatiladi.
Tashkilotga hisobot davri mobaynida kirim bo’lgan tovar-moddiy zahiralar, jumladan tekin va sotib olingan, ortiqcha materiallarning kirim qilingan hamda yil mobaynida chiqim qilingan material zahiralari (tekin berilgan, sotilgan, kamomadlar va boshqa sabablar tufayli chiqim qilingan) qiymati k o’rsatiladi.
Hisobot shakli byudjet tashkilotlari tomonidan hisobot choragi (yili) uchun topshiriladigan Balans (1-son shakl) bilan birga taqdim qilinadi. Byudjet tashkilotlarida chet el valyuta mablag’ larining harakati to’g’risidagi hisobot mazkur standartning 10-ilovasiga muvofiq shaklda byudjet tashkilotlarining hisobot davri mobaynidagi chet el valyuta mabla g’ lari harakati to’g’risidagi ma’lumotlarni aks ettirish uchun mo’ljallangan.