Mavzu: Ahmad Tabibiy

Ogahiy husni ta’lil she’riy san’atini ham juda ko‘p qo‘llagan. Baytda tasvirlanayotgan biron tabiiy holat yoki hodisaga g‘ayritabiiy sabab ko‘rsatish husni ta’lil (chiroyli dalillash) san’ati hisoblanadi. Ogahiy o‘z she’riyatida ifodalanayotgan fikrini isbotlash, maqsad-muddaosini dalillash uchun go‘zal asoslar keltiradi. Bu tasvirlarda mubolag‘aviy uslub yetakchilik qilgan. Shoir bu borada ham yangi-yangi badiiy tasvirlar kashf etgan.

Jumladan:

• Jumladan:

Emas giryon ko‘zimda ko‘zlari shakli xayolikim,

Kiyiklardurki, suv istab kelibdurlar bulog‘ uzra (262-bet).

• Buni haqiqatan ham ogahiyona topilma, deyish mumkin. Ushbu baytda ma’shuqa ko‘zlari yorning ko‘zlariga tushgan, go‘yo uning ko‘zlari shaklini buloq bo‘yiga suv istab kelgan kiyiklar, deb xayol qilish mumkin. “Uzra” radifli g‘azalida to‘lig‘icha husni ta’lil san’atidan foydalanilgan. Bu o‘rinda shoir shunday dalillar, isbotlar topadiki, Ogahiy badiiy iqtidori nechog‘lik yuksak ekanligi ko‘zga tashlanadi. SHoir yozadi:
• Boshimda g‘am yuki, naylab tura olg‘um ayog‘ uzra,
• Ki, toqat aylay olmas bu og‘ir yuk tushsa tog‘ uzra.