Mavzu : toshkent iqtisodiy rayoniga umumiy tavsif kirish 1- bob toshkent iqtisodiy rayoniga umumiy geografik tavsif

Transporti. Maydoni katta, aholi soni kо‘p bо‘lgan shaharda transport muhim rol о‘ynaydi. Toshkentda transportning barcha turlari – avtobus, trolleybus, tramvay, metropoliten mavjud. Markaziy Osiyodagi yagona Toshkent metrosi 1977 yilda ishga tushirilgan. Shahar kо‘chalarida qatnayotgan avtobus va yengil mashinalarning kо‘pchiligi о‘zimizning respublikamizda – Samarqand va Asaka shaharlari korxonalarida ishlab chiqarilgan.

Toshkentda 2009 yilda jami 517 ta doimiy maktabgacha tarbiya muassasalari, 326 ta umumta’lim maktablari bor. О‘rtacha bir maktabga 988 nafar о‘quvchi tо‘g‘ri keladi. Bu raqam respublika boshqa mintaqalariga qaraganda ancha yuqori. Akademik litseylar 39 ta, ularda ta’lim olayotgan talabalar soni 26,7 ming kishi; jami 81 ta kasb-hunar kollejlarida 125,1 ming talaba о‘qiydi.

Toshkent yirik fan va oliy ta’lim markazi hisoblanadi. Bu yerda О‘zbekiston Respublikasi Fanlar akademiyasi va uning qator ilmiy tadqiqot institutlari joylashgan. Shuningdek, kо‘plab ixtisoslashgan ilmiy tekshirish va loyihalash institutlari ham faoliyat kо‘rsatadi.
Respublikamiz poytaxtida 30 ta oliy о‘quv yurtlari bor. Ular jumlasiga Mirzo Ulug‘bek nomidagi О‘zbekiston Milliy universiteti, Toshkent texnika, iqtisodiyot, islom, jahon iqtisodiyoti va diplomatiya, jahon tillari, agrar universitetlari, tibbiyot akademiyasi va boshqalar kiradi. Bulardan tashqari, Toshkentda Buyuk Britaniya, Italiya, Rossiya, Singapur oliy о‘quv yurtlarining bо‘linmalari bor.
Shaharning ijtimoiy rivojlanishida madaniyat, sportning ham roli katta. Bu yerda kо‘plab muzey, teatr, istirohat bog‘lari tashkil etilgan. Ayni vaqtda Toshkentda turistik industriya ham rivojlanib bormoqda. Shaharda sayyohlik uchun 37 ta zamonaviy mehmonxonalar mavjud, ular 2009 yilda jami 255,0 ming turistlarga xizmat kо‘rsatishgan.
Shuningdek, Toshkent aholisini ijtimoiy muhofaza qilish, shahar ekologiyasini yaxshilashga ham katta ahamiyat beriladi. Bu esa, о‘z navbatida, poytaxtimizning ijtimoiy (sotsial) funksiyasini yanada kuchaytiradi.