«materialshunoslik»

Eslatmalar: 1. Artikuldagi uchinchi va keyingi raqamlar o’zgarishi mumkin, ular kichik guruhidagi gazlamalarning tartib raqami.

2. Tarkibida 50 foiz va undan ko’p sintetik tolalar bo’lgan gazlamalarning artikulida S harfi bo’ladi.

Kamvol gazlamalar. Kamvol gazlamalar ko’ylakbop, kostyumbop va paltobop xillarga bo’linadi. Bularning ichida kostyumbop kamvol gazlamalar ko’proq ishlab chiqariladi. Paltobop gazlamalar assortimenti esa bir muncha kam.

Pishitilgan kalava ipdan to’qilgan, zichligi nisbatan katta bo’lgan kamvol gazlamalarni tikuvchilikda ishlatish bir muncha murakkab, taxlanganda sirpanib ketadi, titiluvchan bo’ladi, tikish paytida choklarda o’yiqlar hosil bo’lishi mumkin, dazmollab kirishtirish va kengaytirish ancha qiyin, yaltiroqlik hosilil qilishi mumkin. Tikish paytida ayniqsa ehtiyot bo’lish kerak, chunki tikish paytida hosil bo’lgan barcha no’qsonlar gazlamaning silliq sirtida yaqqolroq bilinib turadi.

Pishitilgan kalava ipdan to’qilgan siyrak gazlamalar takror ho’llanganda ham kirishadi. Tarkibida sintetik tolalar ko’p 6o’lgan gazlamalardan buyumlar tikish ayniqsa qiyin.