Matematikani o`qitish tamoyillari,shakllari va uslublari

11-ma’ruza. Informatika o‘qitishning tashkiliy shakllari, o‘quv-metodik va dasturiy ta’minoti. Operasion tizimlar va Windows OTning asosiy mavzularini o‘qitish metodikasi

Reja

• Informatika ta’limini tashkil etish shakllari va usullari.
• Informatikani o’qitishda foydalaniladigan o‘quv-metodik va dasturiy ta’minoti.
• Operasion tizimlar va Windows OTning asosiy mavzularini o‘qitish metodikasi.

1. Informatika ta’limini tashkil etish shakllari va usullari

Informatika fani inson faoliyatining turli holatlarida axborotlarni izlash, to’plash, saqlash, qayta ishlash va undan foydalanish masalalari bilan shug’ullanuvchi fandir. Informatika fani XX asrning 50-yillarida yuzaga keldi. Bu fan Respublikamizda 1985-86 o’quv yilidan boshlab umumiy o’rta ta’lim maktablarida o’quv predmeti sifatida o’qitilib kelmoqda.

Informatika fan sifatida informasion jarayon (axborotlashgan jarayon) larning qonuniyatlarini o’rganadi. Informasion jarayon keng tushuncha bo’lib, ma’lumotlarni jamlash, uzatish, saqlash, to’plash, qidirish va iste’molchiga berishgacha bo’lgan jarayonlarni o’zida aks ettiradi.

Informatika atamasi fransuzcha «information» (axborot) va «automatique» (avtomatika) so’zilaridan hosil bo’lib, axborotni avtomatik qayta ishlash ma’nolarini anglatadi. Ingliz tilida bu fan Computer sciene (kompyuter texnikasi haqidagi fan, kompyuter ta’limi, kompyuter ilmlari) deb yuritiladi. Informatika atamasi XX asrning 60-yillarida ishlatila boshlagan bo’lsa-da, uning alohida fan sifatida ajralishi 40-50 yillarga to’g’ri keladi. Ma’lumki, bu davrda tarixda birinchi EHM yaratilgan edi. (1943-1945 yillarda AQShda ENIAK deb nomlangan elektron hisoblash mashinasi). Birinchi EHM yaratilgandan so’ng Informatika fani yanada rivojlanib hozirgi taraqqiyot darajasiga yetdi. Informatika kompyuter texnikasining rivojlanishi tufayli yuzaga keladi, unga asoslanadi, kompyutersiz mavjud bo’la olmaydi va o’z navbatida, uning rivojiga, yangilanishiga o’z hissasini qo’shadi.