Matematikani o`qitish tamoyillari,shakllari va uslublari

Informatika atamasi fransuzcha «information» (axborot) va «automatique» (avtomatika) so’zilaridan hosil bo’lib, axborotni avtomatik qayta ishlash ma’nolarini anglatadi. Ingliz tilida bu fan Computer sciene (kompyuter texnikasi haqidagi fan, kompyuter ta’limi, kompyuter ilmlari) deb yuritiladi. Informatika atamasi XX asrning 60-yillarida ishlatila boshlagan bo’lsa-da, uning alohida fan sifatida ajralishi 40-50 yillarga to’g’ri keladi. Ma’lumki, bu davrda tarixda birinchi EHM yaratilgan edi. (1943-1945 yillarda AQShda ENIAK deb nomlangan elektron hisoblash mashinasi). Birinchi EHM yaratilgandan so’ng Informatika fani yanada rivojlanib hozirgi taraqqiyot darajasiga yetdi. Informatika kompyuter texnikasining rivojlanishi tufayli yuzaga keladi, unga asoslanadi, kompyutersiz mavjud bo’la olmaydi va o’z navbatida, uning rivojiga, yangilanishiga o’z hissasini qo’shadi.

Hozirgi vaqtda Respublikamizda informatika fanini o’rganish uch bosqichda olib boriladi:

Hozirgi vaqtda Respublikamizda informatika fanini o’rganish uch bosqichda olib boriladi:

1. Umumiy o’rta ta’lim bosqichi. Bu bosqichda informatika kursning tanishuv qismi amalga oshiriladi va kursning nomi Informatika va hisoblash texnikasi asoslari deb nomlanadi.

2. O’rta maxsus va kasb-hunar ta’limi bosqichi. Bu bosqichda informatika kursi to’liq o’rganiladi va kurs ikkita alohida fan sifatida («Informatika» va «Axborot texnologiyalari») faoliyat ko’rsatadi.

3. Oliy ta’lim bosqichi. Bu bosqichda informatika fani to’liq o’rganilib, turli sohalarga qo’llash masalalari hal qilinadi.

Bu bosqichlarda informatika fanini o’rganish ketma-ketligi Davlat ta’lim standartlari va o’quv dasturlari asosida yo’lga qo’yilgan va ular bir-birining davomi sifatida faoliyat ko’rsatadi.

Informatika fanidan o’quv jarayonini tashkil qilish uchun fan uchun ta’lim muassasalariga mo’ljallangan DTS va o’quv dasturlari, darsliklar, o’quv va uslubiy qo’llanmalar, yillik ishchi o’quv dasturlar va rejalar, bir soatlik dars rejasi va dars ishlanmalari, kompyuter sinfi va axborot texnologiyalar vositalari, ko’rgazmali vositalar kerak bo’ladi. Har bir informatika o’qituvchisi dars o’tishi uchun yuqorida ko’rsatib o’tilgan uslubiy vositalardan foydalana olishi va kerakli hujjatlarni tayyorlay olishi kerak. Informatika fani bo’yicha har bir ta’lim bosqichi uchun alohida DTS, o’quv dasturlari, darsliklar va o’quv-uslubiy vositalar yaratilgan. Oliy ta’lim uchun DTS lariga aoslanib tayanch oliy o’quv yurtlarida namunaviy o’quv dasturlari tayyorlananadi va amaliyotga joriy qilinadi. Oliy o’quv yurtlarida namunaviy o’quv dasturlari asosida ishchi o’quv dasturlari va kalendar tematik rejalar tuziladi.