Matematika oqíTÍw metodikasí

Sabaqtıń barısı 
1. 
oqıtıwshınıń 
oqıwshılar 
menen islewi 
2. 
oqıwshılardıń ózbetinshe 
jumısları 
3. oqıtıwshılardıń oqıwshılar 
menen islewi 
4. 
oqıwshılardıń ózbetinshe 
jumısları 
1. 
oqıwshılardıń ózbetinshe 
jumısları 
2. oqıtıwshılardıń oqıwshılar 
menen islewi 
3. 
oqıwshılardıń ózbetinshe 
jumısları 
4. oqıtıwshılardıń oqıwshılar 
menen islewi 
I-III klaslarda sabaqtı shólkemlestiriw variantlarınan birin kórip 
shıǵamız, ol ekinshi yarım jıllıq ushın, birinshi klass balaları 
ózbetinshe islew uqıplılıǵına iye bolǵanınan keyin usınıs etiledi. 
Sabaqtıń bunday dúziliwi usı túrge sáykes keledi: 
Bir klasta jańa materialdı túsindirip, qalǵan eki klasta úyrenilgen 
materialdı bekkemlew. 
Úsh klass bir waqıtta shuǵullanǵanda barlıq klaslarda jańa 
materialdı bir waqıtta úyreniwden qashıw kerek. 
Bir neshe klaslar bir waqıtta shuǵullanǵanda oqıwshılardıń 
ózbetinshe jumısları ayrıqsha orın tutadı. 
Sabaqta ózbetinshe jumıslardıń mazmunı tómendegishe:
– sabaqta jańa bilimlerdi ózlestiriw ushın zárúr bolǵan, aldın 
ótilgen materialdı sabaqlıq yamasa basqa qollanba boyınsha 
ózbetinshe tákirarlaw; 
– sabaqta úyrenilgen materialdı bekkemlew ushın shınıǵıwlar; 
– alınǵan bilimlerdi ámelde qollanatuǵın hár qıylı shınıǵıwlar.
126

---

Ózbetinshe jumıstı durıs shólkemlestiriwde oqıw tapsırmalarınıń 
islenbelerin esletpeler járdeminde beredi. 
Ózbetinshe islew usılları menen balalardı oqıtıwshı mekteptegi 
birinshi sabaqlardan baslap tanıstıra baslaydı. Dáslep bul tapsırmalar 
kishi kólemli hám izine eriw xarakterinde boladı. Máselen, «Sende 
sonday qıl» oyını. 
1. Oqıtıwshı stol ústine piramida qoyadı, onıń qalqaları 
ólshemleri artıp barıw tártibinde kiygizilgen. Pásten joqarıǵa. 
(oqıwshılarǵa sonday piramidanı jıynaw usınıladı) 
2. Geometriyalıq figuralardan onsha quramalı bolmaǵan naǵısh 
yamasa súwretler jıynaw, máselen: 
– berilgen úlgi boyınsha úshmúyeshliklerden kvadrat jıynaw; 
– úshmúyeshliklerdi jıynaw; 
– geometriyalıq figuralardan naǵıs jıynaw; 
– kompoziсiya dúziw hám t.b. 
Bul pikirlew uqıbın qaliplestiredi, matematikalıq sóylewin 
rawajlandıradı, kúshsiz oqıwshılardıń materialdı jaqsıraq túsinip 
alıw hám hámme qatarlı óz jetiskenliklerinen quwanıwına imkaniyat 
jaratadı.