Масъул муҳаррир: академик Т. Н. Долимов, г м. ф д., проф. Тақризчилар

162- расм. Қадимий тиллит ётқизиқлари. http://www.segodnya.ua



Эратик ғўлатошлар, яъни қадимги қоплама музликлар келтирган ғўлатошлар, турли катталикдаги тоғ жинсларининг синиқларидан иборат бўлиб, уларнинг таркиби шу ердаги туб жинслар таркибига ўхшамайди (162а-расм)

162а-расм. Эратик ғўлатошлар

.
Таянч тушунча ва ибораларга изоҳ беринг
Музлик, экзарация, фирн, қўй пешоналари, трог, кар, морена, оз, кам, друм­лин, материк музликлари, водий музликлари тоғ музликлари, абляция, қўйпешана, делювиогляциал, совуқдан нураш, музости нураши, ригел, ҳайдаш ваннаси, морена, тиллитлар.


Назорат саволлари


Музлик нима?
Музликлар қандай ҳосил бўлади?
Экзарация ва абляция нима?
Трог билан дарё водийсининг фарқи нимада?
Морена ва унинг турлари қандай пайдо бўлади?
Музликларнинг ҳаракатини тушунтиринг.
Морена амфитеатри деганда нимани тушунасиз?
Тўртламчи давр музликлари қандай сабабларга биноан пайдо бўлган?
«Қўйпешана» нима?



18 боб. ДЕНГИЗ ВА ОКЕАНЛАРНИНГ ГЕОЛОГИК ИШИ

Француз гидрографи Кларэ де Флория Ер шаридаги бир - бирига туташиб кетган барча сувли ҳудудларни Дунё океани деб атаган. Дунё океани деганда барча океанлар ва уларга туташган чекка денгизлар тушунилади.

Дунё океани тўғрисидаги маълумотларни Магеллан, Дрейк, Кук ва бошқалар тўплаган. Лекин океанларни илмий жиҳатдан ўрганиш 1873 йилдан бошланган. Шу йилда инглиз кемаси «Челенжер» буюк табиатшунос олимлар Ж.Мерре ва А.Ренар бошчилигида тадқиқот ишларини олиб боришган ва 50 жилдли ҳисоботни олимлар эътиборига тақдим этишган. Ҳозирги кунда олимлар ўнлаб махсус жиҳозланган кемаларда дунё океани акваторияси бўйлаб кўп қиррали тадқиқот ишларини олиб боришмоқда.
Дунё океани улкан аквариум бўлиб, унда илк бор ҳаёт пайдо бўлган ва ҳозирга қадар ривожланмоқда. Дунё океани гидросферанинг асосий қисмини (94 % га яқин) ташкил этади ва литосфера қаторида сайёрамиз юзасининг тузилишида қатнашади. 510 млн км² ли Ер сиртининг 361 млн км² майдонини, яъни 70 % дан ортиғини Дунё океани акваторияси эгаллаган (163-расм).
Океан ва денгизлардаги сув 850 млн км³ ни ёки ер шари умумий ҳажмининг 0,13 % ни ташкил этади.