Масъул муҳаррир: академик Т. Н. Долимов, г м. ф д., проф. Тақризчилар

158- расм. Мураккаб музлик тизими.
Музликнинг юзида ётган барча мореналар устки мореналар деб аталади. Ундан ташқари музликларда ички мореналар ҳам мавжуд бўлади. Музлик ёрилиб, дарзлик ҳосил бўлганда устки мореналарнинг бир қисми дарзликнинг ичига кириб қолди ва ички мореналарни ташкил этади. Ундан ташқари, фирннинг орасида қолиб қор билан қўмилган тошлар ҳам музликка қўшилиб, унинг ичида қолиб кетади. Водий ичидан сурилаётган оғир муз массаси оқар сувдек водийнинг ости ва ёнларини емиради, ажралиб қолган тош парчаларини олиб кетади. Буларга дарзликлар ичига тушиб қолган тошлар ҳам музлаган ҳолатда қўшилиб, умумий музликнинг ҳаракатида иштирок этади. Уларнинг бир қисми водий тубидаги чуқурликларни тўлдириб, тўхтаб қолади. Агар музлик эриб кетса, унинг изини шу белгилар орқали тиклаш мумкин. Шу хилда тўпланган материаллар туб (остки) мореналар деб аталади (159-расм).

159-расм. Туб (остки) мореналар. http://www.segodnya.ua

Туб мореналар устки ва ички мореналардан олиб кетаётган жинс бў-лакларининг ўзаро, водийнинг тагига ва ёнига ишқаланиб, силлиқланиб бориши билан фарқ қилади.
Туб мореналарни ташкил қилувчи йирик тошларнинг силлиқланган сиртида тирнаш чизиқларини кўриш мумкин. Баъзан уларнинг чуқурлиги анча катта бўлади. Бу чизиқлар музда қотиб қолган тошнинг иккинчи ўткир қирраси билан тирнаши орқали вужудга келади. Бундай тирнаш чизиқлари муз ямоқлари дейилади.
Тоғларда музликлар доимий қор чизиғи чегарасидан анча пастга тушиб боради. Бундай шароитда музлик ҳам секин-секин эрийди. У қанча пастга тушса эриш тезлиги шунча кучаяди. Охири у кичрайиб, батамом йўқолиб кетади.
Муз эригандан кейин ундаги мавжуд жинс бўлаклари тўпланиб қолади. Бу уюмлар охирги морена дейилади (160-расм).