Mashinalarni traktorga ulash usullari va qurilmalari, ularni tuzilishi va ishlashi

ularni ishga tayyorlash Mahalliy o‘g‘itlar qattiq (go‘ng, torf, kompost va b.), suyuq (suyuq go‘ng) va sideral ( turli xildagi tez o‘sar ko‘k o‘tlar) turlarga bo‘linadi. Mahalliy qattiq va suyuq o‘g‘itlar asosan yer haydashdan oldin tuproqqa sepilsa, dalalarga ekilgan tez o‘sar ko‘k o‘tlar yetarli miqdorda o‘sgandan keyin maydalanib yer yuzasiga sepiladi va pluglar bilan haydalib, tuproqqa aralashtiriladi. Hozirgi paytda eng asosiy mahalliy o‘g‘itlar sifatida hayvonlar chiqindilari (go‘ng) va kompost (go‘ng, o‘simliklar poyasi va turli chiqindilar aralashmasi) dan keng foydalanib kelinmoqda. Qattiq mahalliy o‘g‘itlarni tayyorlash va solish ishlari ikki usulda: to‘g‘ridan-to‘g‘ri (ferma–dala) va bir joyga yig‘ish (ferma-saqlash joyi-dala) ko‘rinishida amalga oshiriladi. Bunda mahalliy o‘g‘itlar asosan chorvachilik fermerlarining saqlash joylaridan transport vositasiga ortiladi va ular dala boshida tayyorlangan saqlash joyiga tashiladi. So‘ngra ular solish muddati kelguncha o‘sha joyda saqlanadi va kerakli paytda tuproqqa solinadi. Sho‘rlanmagan maydonlarda shudgorlashdan oldin qattiq va suyuq holatdagi mahalliy o‘g‘itlar yer yuzasiga solinib, so‘ngra haydash ishlari tashkil etiladi. Sho‘rlangan maydonlarga ularning sho‘ri yuvilgandan keyin tuproqqa ishlov berish paytida solish maqsadga muvofiq bo‘ladi. ROU-6 mashinasini ishga tayyorlash jarayoni ularning butligi, uzellarning to‘g‘ri yig‘ilganligi, o‘g‘it sepuvchi ishchi qismlari va harakat beradigan tizimlarning texnik holati, shinalardagi bosimni tekshirish, mashina qismlarini moylash, uni traktorning quvvat olish valiga ulash hamda texnologik sozlashlarni bajarishdan iborat. Shu bilan birga yerga solinadigan mahalliy o‘g‘itlar bir jinsli mayda zarrali, sochiluvchan bo‘lmog‘i lozim. Shunga ko‘ra, nam tortib, mushtdek qotib va yopishib qumoqlashib qolgan mahalliy o‘g‘itlarni sochishdan oldidan mavjud ish uskunalari yordamida maydalash lozim. O‘g‘itlarni faqat sepish oldidan maydalash va aralashtirish tavsiya etiladi. Mazkur agrotexnik ta’lablarni to‘liq bajarilishi hamda mashinalarning maromida ishlashi uchun dalalarda har-hil baland-pastliklar uchramasligi, ular o‘simlik qoldiqlaridan tozalangan bo‘lishi hamda chuqur sug‘orish ariqlari va suv yuvib ketgan joylar tekislangan bo‘lishi lozim. O‘g‘it sepish yo‘nalishi dalaning shudgorlash yo‘nalishiga mos kelishi kerak. Yerga solinadigan mahalliy o‘g‘itlar bir jinsli mayda zarrali, lekin kukunga aylanmagan, qumoqlashib qolmaydigan va sochiluvchan bo‘lmog‘i lozim. Shunga ko‘ra yopishib qumoqloshib qolgan mahalliy o‘g‘itlarni sepishdan oldin mavjud ish uskunalari bilan maydalash lozim. Ularni faqat yerga solish oldidan maydalash va aralashtirish tavsiya etiladi.

Tuproqqa asosiy ishlov berishdan maqsad –unga ko‘proq suvni singib ketishini yaxshilash, o‘simlik ildizi rivojlanadigan qatlamda ko‘plab suv to‘planishi va namlikni uzoq muddat saqlanishini ta’minlash hamda ildiz sistemasini kuchli rivojlanishi uchun sharoit yaratish, mineral va mahalliy o‘g‘itlarni tuproqqa aralashtirish, bundan tashqari, begona o‘t qoldiqlari va zararkunandalarni yo‘qotishdan iborat.
Yer haydash tuproqqa ishlov berishning asosiy usuli bo‘lib, bunda tuproq qatlami pluglar yordamida ag‘darib va ag‘darmasdan haydaladi.
60. Tuproqqa sayoz ishlov berish mashinalari va
ularni ishga tayyorlash


Tirmalash -tuproqning yuza qismiga tirmalar bilan ishlov berilib, bunda tuproqdagi namlikni bug‘lanib ketmasligi uchun uning yuzasida bir tekis yumshatilgan qatlam hosil qilishdan iborat. Shu bilan birga tirmalash jarayonida mayda notekisliklarva begona o‘tlar yo‘qotiladi.