Маърузалар матни Тошкент 2015 Маъруза 1

Ферромагнит заррачалар
нанометрли ўлчамда

• 
  Ферромагнит эритмаларни барқарорлигини таъминлаш учун ферромагнит нанозаррачаларини сирт актив модда билан боғлаш керак, бунда заррачалар атрофи химояловчи қобиқ билан қопланиб қолади.
  
• 
  Ферромагнит эритмалар деб аталашига қарамасдан улар ферроманит хоссаларни намоён қилмайди.
  
• 
  Ферромагнит эритмалар парамагнетик хисобланади, ва уларни кўпинча «суперпарамагнетик» лар деб аташади, улар юқори магнитлик хоссаларга эга.
  

ХУЛОСАЛАР
Нанохимиянинг келажаги даврий система химиявий элементларининг заррачалари ўлчами ўзгариши билан хоссаларини ва реакцион қобилиятини ўрганилиши билан боғлиқ. Нанохимиянинг фундаментал (назарий) ва амалий аспектлари мавжуд. Амалий аспектлари нанотехнологиянинг ривожи билан боғлиқ. Фундаментал изланишларнинг натижаси маълум амалий вазифани, мақсадни, муаммони хал қилишга қаратилган бўлиши керак.
Нанофан ва нанохимия-фанлараро фанлардир. Шу сабабли физика, химия, биология, материаловедения фанларининг эътибори,тадқиқ этиш бўйича ёндошишлиги, усуллари, бирлашган бир вазифани бажаришда чамбарчас чатишган бўлади.
Қўлланиладиган физикавий усуллар нафақат заррачалар хоссаси хамда реакцион қобилиятини, шу билан бирга уларнинг реакция вақтида динамикасини ўрганишга имкон яратиб бериши керак.
Нанохимияда энг катта муаммо жуда тор фракцияларда ўлчами яқин бўлган нанозаррачаларни синтез этиш. Газ фазасида кўп марталик сепарациядан сўнг олинадиган заррачаларнинг реакцияси бундан мустасно. Хозирги пайтда хар-хил катталикка эга бўлган нанозаррачаларнинг суюқлик ва қаттиқ фазаларда турли tº-лардаги реакцияси деярли хали ўрганилмаган. Бу сохадаги илмий-тадқиқот натижалари юқори даражали квант-химиявий хисобланишлар билан биргаликда заррачалар хоссасининг улар ўлчамларига боғлиқлиги тўғрисида умумий назария яратишга имкон туғдирар эди.


ХХI АСР ИХТИРОСИ
Рус олимлари Андрей Гейм ва Константин Новоселевлар Англияда (Манчестер Университетида) «Графен» деган икки ўлчамлик кристаллик янги система материал ихтиро қилишди. «Графен» - бу қалинлиги бир атомнинг ўлчамига тенг графит қавати.
Графен пўлатга нисбатан 200 маротаба мустахкамроқ, иссиқлик ва электрўтказувчанлиги жуда катта. У ХХI асрнинг янги материали хисобланиб, микроэлементларда кремнийни ўрнини боса олади, наноэлектроникада ишлатилиши мумкин.
Графен компьютерларни тезроқ ишлашига ёрдам бериши мумкин, уларни енгилроқ қилиб, ишлашига камроқ энергия сарфлашига ва иситилишига олиб келади. Уни оғир мис симлари ўрнига ишлатиш мумкин. Алохида молекулаларни топиш учун юқори сезгир сенсорлар сифатида ишлатиш мумкин.
Графен билан суюқ-кристаллик мониторларни қоплаш мумкин. Қалинлиги 1 атом ўлчамига тенг бўлганлиги сабабли, бу қоплама деярли тиниқ бўлади.
Бу ихтиро учун олимлар 2010 йили Нобель мукофотига сазовор бўлишди. Ўз вақтида Ландау икки ўлчамли кристаллик система яратиш мумкин эмас деб айтган, чунки улар мустахкам бўлмайди.
Химия сохасида Америкалик Ричард Хек ва Япониялик олимлар - Эйити Нэгиси ва Акира Судзукилар «Углерод атомларидан мураккаб молекулалар олишининг самарали усулини» ишлаб чиққанлиги учун 2010 йилнинг Нобель мукофоти совриндорлари бўлишди.