Маърузалар матни Тошкент 2015 Маъруза 1

3) Фуллеренларнинг кимёси. Оддий хона шароитида С₄₀-С₈₀ ли
фуллеренлар азот оксиди, кислород, олтингугурт оксиди каби фаол молекулалар билан реакцияга киришмайди. Лекин бир қанча янги химиявий реакциялар фуллерен ёрдамида топилган. Масалан, водород билан С₆₀Н₂, галоидлар билан С₆₀Fх, С₇₀Fy. Бу ерда Х ≤ 48, У ≤ 56.
Фуллеренларнинг кимёси кенг ва кўп кўринишли. Масалан, С₁₆ ковалент боғланиш орқали полимерга киритилган (ксилилен) (полимер: С₆₀=3,4:1).
Металл заррачалари фуллеренда жойлаштирилган. Хосил бўлган заррачалар учун тегишли символика таклиф этилган: металл атомлари фуллереннинг ичида жойлаштирилса, унда М@Cn деб кўрсатилади, ташқарисида эса-МС₆₀. Турли металларни жойлаштириш мумкин. Биринчилар қаторида лазер буғланиш орқали заррачалар олиш мақсадида лантан тузларининг графит билан аралашмаси буғланган. Юқори хароратли плазмада лантан ионлари лантан атомларига қайтарилиб, фуллерен панжарасига унинг шаклланиши жараёнида жойлашади. Se₃@C₈₂ ҳам олинган. Фуллереннинг МхС₆₀ типидаги аддуктлари ҳам олинган. Масалан, КхС₆₀ нинг жуда катта ўтказувчанликка эга бўлгани топилган. К₃С₆₀ Тс=19,3К да, СsхРbyС₆₀ пардаси – Т_с=33 К да бу хусусиятни намоён қилади ва ўтказувчанлик бу аддуктларда (СахС₆₀, SrхС₆₀, К₆С₆₀, Са₃С₆₀) электронларни металлардан фуллеренга ўтиши хисобидан келиб чикади.
Фуллеренлар асосида зичлик ва мустахкамлик хажм модули бўйича олмосдан ўтиб кетадиган моддалар яратилган. Ўта мустахкам материаллар, босим 13 ГПа гача, харорат 1600 ºC гача бўлган шароитларда С₆₀, С₇₀ фуллеренлар асосида яратилган.


4) Углерод нанотрубкалари ( нанонайчалари ).
Фуллеренларнинг кашф этилиши нометаллар нанохимиясига катта
хисса қўшган. Хозирги пайтда, нанотрубкалар олингандан сўнг, улар ёрдамида реал нанотехнологияларга ўтиш имкониятлари яратилади деб хисобланади.
Бир ва кўп қаватли нанотрубкалар графит ясси атом тўрларини чексиз цилиндрларга ўраш орқали олинади. Уларнинг ички диаметри 0,4 дан бир неча нанометргача бўлади, ички бўшлиқларга бошқа моддалар киргизиш мумкин. Нанонайчаларнинг дефектини йўқотиш учун, инерт атмосферада юқори хароратларда уларга ишлов берилади.
Найчалар тузилишининг тури (типи) уларнинг кимёвий,электрон ва механик хоссаларига таъсир кўрсатади. Индивидуал найчалардан агрегатлар олиниши мумкин.