Ma’ruza C++ tili sintaksisi va uning leksik asosi. C++ tili dasturining tuzilishi va shakli Reja

---

Ma’ruza 1. C++ tili sintaksisi va uning leksik asosi. C++ tili dasturining tuzilishi 
va shakli 
 
Reja: 
1.
Dasturlash tillari
2.
C++ tilidagi sodda programma
3.
C++ tilida izohlar
4.
C++ tili alfaviti va leksemalari 
5.
Til sintaksisi
6.
Til semantikasi
7.
Xujjatlashgan identifikatorlar
8.
Dasturni formatlash 
Tayanch iboralar:
Dasturlash tillari, include, cout, kengaytma, 
Kompilyatsiya, Leksema
.
1.1. Dasturlash tillari 
Ma’lumki, dastur mashina kodlarining qandaydir ketma-ketligi bo‘lib, aniq 
bir hisoblash vositasini amal qilishini boshqaradi. Dastur ta’minotini yaratish 
jarayonini osonlashtirish uchun yuzlab dasturlash tillari yaratilgan. Barcha 
dasturlash tillarini ikki toifaga ajratish mumkin:
- quyi darajadagi dasturlash tillari;
- yuqori darajadagi dasturlash tillari.
Quyi darajadagi dasturlash tillariga Assembler turidagi tillar kiradi. Bu tillar 
nisbatan qisqa va tezkor bajariluvchi kodlarni yaratish imkoniyatini beradi. Lekin, 
Assembler tilida dastur tuzish zahmatli, nisbatan uzoq davom etadigan jarayondir. 
Bunga qarama-qarshi ravishda yuqori bosqich tillari yaratilganki, ularda tabiiy 
tilning cheklangan ko‘rinishidan foydalangan holda dastur tuziladi. Yuqori bosqich 
tillaridagi operatorlar, berilganlarning turlari, o‘zgaruvchilar va dastur yozishning 
turli usullari tilning ifodalash imkoniyati oshiradi va dasturni «o‘qimishli» bo‘lishini 
ta’minlaydi. Yuqori bosqich tillariga Fortran, PL/1, Prolog, Lisp, Basic, Pascal, C 
va boshqa tillarni misol keltirish mumkin. Kompyuter arxitekturasini 
takomillashuvi, kompyuter tarmog‘ining rivojlanishi mos ravishda yuqori bosqich 
tillarini yangi variantlarini yuzaga kelishiga, yangi tillarni paydo bo‘lishiga, ayrim 
tillarni esa yo‘qolib ketishiga olib keldi. Hozirda keng tarqalgan tillarga Object 
Pascal, C++, C#, Php, Java tillari hisoblanadi. Xususan, S tilining takommillashgan 
varianti sifatida C++ tilini olishimiz mumkin. 1972 yilda Denis Ritch va Brayan 
Kernegi tomonidan S tili yaratildi. 1980 yilda Byarn Straustrop S tilining avlodi C++ 
tilini yaratdiki, unda strukturali va ob’ektga yo‘naltirilgan dasturlash 
texnologiyasiga tayangan holda dastur yaratish imkoniyati tug‘ildi.