Maktab o’quvchilariga metalmaslar mavzusini interfaol usullar orqaliy o’qitish” Mutaxassislik

Magistrlik dissertatsiyasi mavzusining asoslanishi va uning dolzarbligi; Dars jarayonida, ta'lim - tarbiyada o'quvchi asosiy harakatlantiruvchi kuch, ta'lim jarayoni sub'ekti bo'lishi kerak, ya'ni o'qish, o'rganish, mutolaa qilish talaba zimmasiga o'tishi lozim. O'qituvchi esa, bilim berishdan, o'quvchilarning bilimlarni mustaqil egallashlariga ko'maklashishi zarur. Shunday ekan kimyo o'qitishda ham interfaol metodlar va didaktik o'yin texnologiyalaridan foydalanish
o'quvchilarining kimyoviy bilim, ko'nikma va malakalarni davr talabi darajasida shakllantirish va rivojlantirishda muhim ahamiyat kasb etadi. Umumiy o’rta ta'limda Metalmaslar mavzusini kimyoviy pedagogik dasturiy vositalar va interfaol metodlar, ya'ni "Toifalash metodi jadvali orqali o'qitish ijodiy izlanishga asoslangan turli muammoli metodlami birgalikda qo'llash orqali o’quvchilar va ularning jamoasini mustaqil faoliyatga yo'naltirishga qaratilgan. Bu usullar o’quvchilarning bilim va ko'nikmalarini muammoni yechishga yo'naltirish va o'zligini anglatishga asoslanadi.
Tadqiqot ob'yekti va predmeti; Dissertatsiya ishining ob'ekti bo'lib, umumiy o’rta ta'limda o’quvchilarining kimyo fanidan samarali bilim olishlarida turli interfaol usullardan, texnologiyalaridan foydalanish. Umumiy o’rta ta'lim tizimida interfaol usullardan foydalanish, o’quvchilarga ta'lim-tarbiya berish bilan birga o'quv fanlarining barcha jarayonlarni axborotlashtirish orqali ta'lim samaradorligini oshirishga xizmat qiladi. Interfaol usullaridan foydalanish kimyo darslarida dars jarayonidagi ko'rgazmalilik imkoniyatlarini oshiradi, o’quvchilarning mavzuni tushunish darajasini ko'paytiradi. O’quvchilar dars vaqtida biror murakkab kimyoviy jarayonni ko'z oldiga keltirishi qiyin bo'lib, uni tasavvur qila olmaydi. Ushbu jarayonlarni interfaol usullardan foydalanish yordamida aynan o'zidek qilib tasvirlab berish mumkin. Bunda birinchi navbatda o’quvchida ushbu murakkab ob'yektlar haqidagi tasavvur hosil qilinadi. Kimyoviy rivojlanishning zamonaviy lari, kimyoviy formula, kimyoviy jarayonlari va moddalarning fizik - kimyoviy xossalarini, texnologik resurslarni tejaydigan hamda ko'zga ko'rinmaydigan moddalarni kimyoviy kompyuter dasturiy vositalari orqali modellashtirish talab qiladi.