Махматқулов турдимурод ёғоч конструкциялари

Мустақил бажариш учун вариантлар

Кўрсаткич- лар номи			Вариантлар
	1	2	3	4	5	6	7	8	9	10
Устуннинг баландлиги, м	4,0	4,5	5,0	5,5	6,0	6,5	7,0	7,5	8,0	8,5
Бўйлама юк, кН	60	65	70	75	80	85	90	95	100	105
Устуннинг кесим юзаси, мм	140 800	140 800	140 800	140 800	140 800	140 800	140 800	140 800	140 800	140 800
Актив шамол босими,кН/м^2	13,5	14,0	14,5	15,0	15,5	16,0	16,5	17,0	17,5	18,0
Пассив шамол босими,кН/м^2	15,5	16,0	16,5	17,0	17,5	18,0	18,5	19,0	19,5	20,0
Устуннинг материали	жука	тол	акас	эман	заранг	шум тол	қайин	оқ қайин	қара ғай	тол
Иморат синфи	I	II	II	II	I	I	II	III	II	III

7.2. Ёғоч устунларни пойдевор билан бириктириш усуллари

Яхлит ва елимланган ёғоч устунларнинг энг жавобгарлик тугунларидан бири пойдевор билан бирикиш қисмидир. Бугунги кунда хорижий лойиҳачилар ва муаллиф томонидан устуннинг пойдевор билан қаттиқ бириктириш усулларининг турли эксплуатация шароитлари учун мўлжалланган бир неча вариантлари ишлаб чиқилган ва ишлаб чиқаришга жорий этилган [2,11].
Қуйида уларнинг айримларининг конструктив ечимлари бўйича маълумотлар берилган.
Юқорида қайд этилганидек, елимланган устунларни пойдевор билан қаттиқ бириктиришда асосий эътибор анкер вазифасини бажарувчи металл элементларнинг мустаҳкамлик кўрсаткичларига қаратилади. 6.10-расмда келтирилган ечимда бу вазифани қалинлиги 1 см бўлган металл тасма бажаради. Металл тасма 1-1 қирқимда келтирилган кўринишда махсус михлар ёрдамида устун танасига бириктирилади. Бу тугунда бириктирувчи металл элементларнинг устун кесим юзасида кўринмаслиги унинг меъморий жиҳатдан афзаллигини таъминлайди.

6.10-расм. Елимланган устуннинг металл тасмалар ёрдамида бириктириш усули:1-металл тасмани бириктиришга мўлжалланган махсус михлар; 2-металл тасма; 3-металл тасмани жойлаштириш учун мўлжалланган чуқурча;
4-елимланган устун.
Мустаҳкамлиги ва бикирлигини текшириш таъсир қилаётган юкларнинг қийматига мос равишда амалга оширилади ва анкер вазифасини бажарувчи металл тасмалардаги зўриқишлар асосида кесим юзалари аниқланади
Елимланган ёғоч устуннинг кўндаланг йўналишдаги турғунлиги пойдевор бетонига ўрнатилган металл элемент ёрдамида таъминланади.
Бирикманинг яна бир муҳим жиҳатларидан бири деворбоп элементларни жойлаштиришнинг кўлайлиги ҳисобланади.
6.11-расмда келтирилган ечимда металл пластинка ўртача 0,5 см қалинликдаги ва ўртача мустаҳкамликдаги металл варақлардан пайвандлаб тайёрланади ва ҳисоблашда қўшимча тарзда пайванд чокларининг қалинлиги аниқланиб, унинг суғурилишдаги мустаҳкамлиги текширилади.
Бу турдаги бирикманинг асосий афзалликларидан бири эксплуатация даврида пайдо бўлиши мумкин бўлган деформацияни мавжуд болтларни тортиш орқали бартараф этиш мумкинлиги ҳисобланадаи. Шу билан бирга қурилиш майдонига тайёр ҳолда келтирилган елимланган устунларни аркер болтларга жуда осон бириктириш имконияти мавжуд.

6.11-расм. Елимланган устунни металл пластинкалар ёрдамида бириктириш усули:
1- елимланган устун; 2 - U-шаклдаги металл тасма; 3- U-шаклдаги тасмани киритиб бириктириш учун мўлжалланган чуқурча; 4-тасмани устунга бириктирувчи махсус михлар; 5-пойдеворга ўрнатилган металл пластинка.
Юқорида таҳлил қилинган ечимлар сингари пойдеворга жойлаштирилган металл элементлар қалинлиги 2 см тенг бўлган ўртача мустаҳкамликдаги металл элементлардан тайёрланган.

6.12-расм. Елимланган устунни тенг томонли металл пластинкалар ёрдамида бириктириш усули: 1- елимланган устун; 2-U-шаклдаги металл тасма;3- U-шаклдаги тасмани киритиб бириктириш учун мўлжалланган чуқурча;4-тасмани устунга бириктирувчи махсус михлар; 5-пойдеворга ўрнатилган металл пластинка; 6-
металлпластинканинг бўйлама элементлари;7-металл пластинканинг кўндаланг элементлари; 8-устун тагига жойлаштирилган кучланишни камайтиришга мўлжаллланган материал; 9- анкер болтлари.
6.12-расмда келтирилган ечимда металл пластинканинг тенг томонли қилиб тайёрланиши устунни бўйлама ва кўндаланг йўналишларда турғунлигини таъминлаш имконининг бериши билан бирга, металл элемент билан ва елимланган устун оралиғига ўрнатилган материал, елимланган устун кўндаланг кесим юзасида ўзгарувчан ишорали зўриқишлардан пайдо бўладиган эзилишни камайтириш имконини беради. Ҳисоблаш ишлари юқоридаги тартибда амалгаоширилади.
Аниқланган зўриқишлар асосида бириктирувчи элементларнинг кесим юзалари танланиб,мустаҳкамлиги текширилади.
Маълумки, елимланган ёғоч устунларни бўйлама х-х ва кўндаланг у-у йўналишларда турғунлигини таъминлаш масаласи долзарб масалалардан бири ҳисобланади. Шу сабабли, муаллифлар гуруҳи томонидан (Т.Махматкулов иштирокида) елимланган устуннинг 6.13-расмда келтирилган ва 1059096 рақамли муаллифлик гувоҳномаси билан тасдиқланган таянч тугуни ва унинг вариантлари ишлаб чиқилган. Тугуннинг юқорида эътироф этилган афзалликлари билан бирга елимланган ёғоч элементлар ёрдамида кесим юзасини белгиланган ҳисобий қийматгача кенгайтирилиши унинг турғунлигини таъминлашда асосий вазифани бажаради. Ён томонига бириктириладиган ёғоч элементлар устунга тишли бирикмалар ёрдамида киритилади. Бунинг учун бириктириладиган элементларга металл стерженлар олдиндан елимланади. Ҳисоблаш ишлари юқорида қайд этилган тартибда амалга оширилдади. Қўшимча тарзда тишли бирикманинг елим чоки ёрилишга ва металл стержен эса суғурилишга текширилади.

6.13-расм.Елимланган устунни ён томонларига бириктирилган ёғоч элементлар ва металл пластинка ёрдамида бириктириш.(1059096 рақамли
муаллифлик гувоҳномаси ): 1-елимланган устун;2-ён томонга елимланган ёғоч элемент; 3-металл элемент; 4-елимланган стерженлар; 5-пойдеворга ўрнатилган металл пластинка.6- металл пластинканинг
элементлари;7-анкерлар; 8-устун тагига жойлаштирилган кучланишни камайтиришга мўлжалланган материал; 9-анкер болтлари; 10-таянч пластинка.
6.14-расмда келтирилган таянч тугунининг бошқа ечимлардан фарқи шундаки, елимланган устуннинг пойдевор билан бирикиш кесимида пайдо бўладиган ўзгарувчан ишорали зўриқишлар ва кесувчи кучни қабул қилишга мўлжалланган (4) таянч элементларнинг мавжудлиги ҳисобланади.
Технологик нуқтаи назардан бу тугун бошқа ечимларга қараганда маълум даражада самарадор ҳисобланади. Устунга елимланган металл стерженлар михлаб бириктирилган юпқа тахталар ёрдамида ҳимояланади.Тугун анъанавий усуллар ёрдамида ҳисобланади. Таянч элемент ва унинг кесим юзаси кесувчи кучнинг қийматини этиборга олган ҳолда мустаҳкамлик- ка текширилади.

6.15-расм. Елимланган устунни пойдеворга металл пластинка ёрдамида бириктириш усули: 1-елимланган устун; 2-металл пластинка; 3-елимланган стержен; 4- таянч элемент; 5-болтли тартқи.