М о р ф о л о г и я сўз туркумлари

Knowledge is power. Билим кучдир.
§ 29. Артикл газеталар ва журналлардаги сарлавхаларда, эълонлар, телеграммалар ва х.к. ларда ишлатилмайди. Бундай холатларда артикл аслида ишлатилиши лозим бўлса-да, лекни стилистик мақсадларда ёки жойни тежаш мақсадида артикл атайлаб тушириб қолдирилади:
Arrival of Polish Trade Delegation. Польша савдо делегациясининг ташрифи (газета, журналдаги мақола сарлавхаси). Аслида: The arrival of the Polish Trade Delegation.
Have sent you cheque 5000 pounds. Please ship goods immediately. 5000 фунтлик чек жўнатдик. Илтимос товарни зудлик билан жўнатинглар (Телеграмма, жойни тежаш мақсадида артикл тушириб қолдирилган). Аслида: We/I have sent you a cheque for 5000 pounds. Please ship the goods immediately бўлиши керак. Эътибор беринг: телеграммада артиклдан ташқари, гапдаги эга ва предлог хам жойни тежаш мақсадида тушириб қолдирилган, лекин буларнинг тушириб қолдирилиши телеграмма маъносининг англашилишига тўсқинлик қилмаяпти.


АРТИКЛНИНГ АТОҚЛИ ОТЛАР БИЛАН ИШЛАТИЛИШИ

§ 30. Умумий қоидага асосан, а т о қ л и отлар а р т и к л с и з ишлатилади. Ўз синфида ягона бўлган предметларнинг номларини ёки шахсий номларни билдириб, атоқли отларнинг ўзи аниқ шахс ёки предметни ажратиб кўрсатади, шу сабабли бундай отлар билан артиклнинг ишлатилишига эхтиёж сезилмайди:

Moscow Москва, Peter Петр, Europe Европа
§ 31. Атоқли отлардан олдин унвонни билдирувчи турдош от ёки мурожаат қилиш учун ишлатиладиган от келса хам, артикл ишлатилмайди:
Professor Pavlov Профессор Павлов
General Ivanov генерал Иванов
Comrade Petrov ўртоқ Петров
Doctor Ivanov доктор Иванов
Mr. White жаноб Уайт
§ 32. Бирор шахсга мурожаат қилиш учун ишлатиладиган турдош отлар атоқли отлар сифатида кўрилади ва артиклсиз ишлатилади:
Good morning, captain! Хайирли тонг, капитан!
May I ask a question, professor? Сиздан бир савол сўрасам майлими, профессор?