M. DÁWletov, A. DÁWletov, Z. IsMAylova, A. DÁWletova

§14. Sebep dánekerleri
Jay gáplerdi óz ara sebep mánisinde baylanıstıratuǵın 
dánekerlerge sebep dánekeri delinedi.
Sebep dánekerleriniń xızmetin 
sebebi, óytkeni, nege 
deseń, nege degende
dánekerleri atqaradı.
Jazıwda sebep dánekerleriniń aldınan útir qoyılıp 
jazıladı. M ı s a l ı : Bala soqpaq penen úyler tárepke 
qaray juwırıp ketti, 
sebebi
ol avtolavkanıń kiyatırǵanın 
xabarlaǵısı keldi. 
(Sh. A.)
Bunda birinshi jay gáptegi is-hárekettiń isleniwine, 
ekinshi jay gáptegi is-háreket sebepshi, yaǵnıy balanıń 
úyge qaray juwırıp ketiwine avtolavkanıń kiyatırǵanı se-
bepshi.
62-shınıǵıw
. 
Kóshirip jazıń. Sebep dánekerleriniń astın sızıp, 
olardıń gáplerdi baylanıstırıw mánisin túsindiriń.
1. Abdurahman sol jerde qaldı, óytkeni úlken úydiń iyesi 
bul waqıtta úyinde emes edi. 
(Q. D.)
2. Biraq Báhár bul 
waqıyanı basqasha túsiniwi múmkin, nege degende Polat 
Tórexanovtı jaqtırmaydı. 
(Sh. R.)
3. Dushpanlar bizdi jeńe 
almaydı, sebebi xalqımız miytindey bekkem. 
(S. A.)
4. Bunıń 
ushın seni ayıplawǵa bolmaydı, nege deseń sen ele kóp nárse-
lerdi kórgeniń joq. 
(Sh. R.)
63-shınıǵıw
.
Gáplerdegi kóp noqattıń ornına gáptiń mánisine 
qaray berilgen dánekerlerdiń tiyislisin qoyıp kóshirip jazıń. Olardıń 
baylanıstırıw mánisin anıqlań.

---

36
1. Bul balanı men húrmetleymen, ... ol meniń sezimim-
di oyattı. 
(Ó. X.) 
2. Bálkim, ol kelmes, ... onı men kóshede 
kórdim. 
(N. N.)
3. Alańlıqtan shıǵıp uyqılawǵa uyǵardıq, 
... kúndiz alǵa júriw qáwipli edi. 
(A. G.) 
4. Biz elimizdiń 
tabısların maqtanısh etemiz ... bul tabıslar pútkil dúnyada 
paraxatshılıq isine xızmet etedi. 
(«E. Q.»)