M. DÁWletov, A. DÁWletov, Z. IsMAylova, A. DÁWletova

da
onnan qalıspawǵa tırısadı. 
(T. Q.)
87-shınıǵıw.
Kóshiriń. Janapaylardıń astın sızıp, kúsheytiw 
janapaylarınıń ózi qatnaslı sózge qanday máni berip turǵanın aytıń. 
1. Kúnniń qırq graduslıq ıssılıǵı tikkeley tap tas tóbeńe 
kelip quyılıp turǵanday. 2. Baxıtları, ilayım, bunnan da aydın 
ashıq bola bersin. 3. Meste suwdırlap baratırǵan suwdı kórseń, 
ústi-ústine shólley beretuǵın ediń ǵoy. 4. Ekspediciya qısqa 

---

49
múddettiń ishinde-aq artezian qudıqların qazıp pitkerdi. 5. Bul 
awhalda qorqqanınan baqırıp jibermekshi edi, erinleri de 
iykemge kelmedi. 6. Jaz qolaylı máwsim ǵoy. 7. Onıń qasına 
Tilew de keldi. 
(Ǵ. S.)
88-shınıǵıw.
Tekstti oqıń. Janapaylardı tawıp, olardıń qaysı jana-
pay ekenin hám qanday sóz shaqaplarına qatnaslılıǵın, mánilerin 
anıqlań.
1. Jazdıń qızıǵı da ótip ketti. Atızlar bosap qalǵanlıqtan 
adamlardıń ǵawırlısı da esitilmeydi. Alısta ǵawqıyıp júretuǵın 
kombaynlar da kórinbeydi. Atızlarǵa ele mallar jayılmaǵan 
edi. 
(Sh. A.) 
2. — Bilemen, Tolǵanay. Ózim de seni keler dep jatır 
edim. Bul saparı da aqlıǵıńdı ertip kelmediń be, Tolǵanay? 
— Kórip tursań ǵoy. Qara basım keldim. 
— Óytip oylap ne qılasań? Erte me, kesh pe, aqırı bir 
kúni ózi-aq biler-dá. Ózi de eseyip, jaqsı-jamandı biletuǵın 
bolıp kiyatır.
— Sóytse de, adamnıń haqıyqatlıqtı bilgeni maqul ǵoy, 
Tolǵanay. 
— Túsinemen bárine de. Biraq qalay aytarman? Men 
biletuǵın haqıyqatlıqtı, qádirdan dalam, sen biletuǵın, hát-
teki, hámme biletuǵın haqıyqatlıqtı házirshe tek ǵana ol 
bilmeydi. 
(Sh. A.)
§22. Modal janapayları
Gáptegi pikirge yamasa ayırım sózlerge boljaw, 
ótiniw, gúman etiw, buyırıw, mısqıllaw t.b. qosımsha