М а р к е т и н г асосий маркетинг тушунчалари ва замонавий сўзларининг қисқача изоҳли луғати

З
Зарарсизлик нуқтаси (break-even) – бу фойда ва зарар зоналарини бир-биридан ажратиб турадиган чегаравий нуқта «зарарсизлик нуқтаси» ёки баъзида рентабеллик чегаравий нуқтаси ҳам дейилади.
Бу нуқта харажатларни қоплаш учун зарур бўлган, минимал оборот ҳажмини ҳам кўрсатади. Бу нуқта («break-even») яна шуни ҳам кўрсатадики, ишлаб чиқарилган (сотилган) қандайдир минимал маҳсулот ҳажмида(сонида) корхона харажатларини бутунлай қоплашга эришиши мумкин.
Зэппинг (zapping) - бу сўзнинг маъноси реклама блокини теле- ва радиоканаллари орқали кўрсатиш (эшиттириш) вақтида, уни кўрмай (эшитмай) бошқа каналларга ўтказиш тушунилади. Бу ҳодиса (ҳаракат) реклама самарадорлигини жуда пасайтириб юборади. Маркетолог ва рекламачилар зэппингга қарши курашда плейсмент ва бошқа ноанъанавий яширин реклама воситаларидан фойдалинадилар.
И
Ижтимоий синфлар (social class) – бу аҳолининг нисбатан ихчам ва стабил (бир текис) гуруҳлари бўлиб, уларнинг аъзолари умумий қадриятларга, манфаатларга ва хулқ-атворга эга.
Имидж (image) – бу кенг жамоатчилик, истеъмолчилар ва харидорларнинг корхона ҳамда унинг товарлари ва хизматлари мавқеи (престижи) тўғрисидаги фикри, репутацияси ва образидир. Корхона ҳақида ижобий имиджни вужудга келтириш бозордаги маҳсулотларининг ҳаракати бўйича ҳамда рақобат курашида устунликка эришиш йўлидаги олиб борадиган фаолиятининг асосий поғоналаридан бири ҳисобланади. Имидж эса, марка имиджи, корхона (ташкилот) имиджи ва маҳсулот имиджи турларига бўлинади.
Имидж тахлили (image analysis) - бу истеъмолчиларни фирма (корхона) товарларининг хусусиятлари ва унинг обрўси ҳақидаги билими ҳамда тасаввурлари тадқиқоти.
Имиж дифференциацияси (image differentiation) – бу корхонанинг ёки унинг маҳсулотларини, рақобатчилар ёки уларни маҳсулотлари имижидан яхши томонга фарқ қиладиган образини яратишдир.
Инновацион маркетинг (innovative marketing) – бу маркетингнинг маърифатли принципи бўлиб, унга асосан корхона узлуксиз равишда ўзининг маҳсулотлари (товарлари)ни ва маркетинг воситаларини такомиллагтириб бориши лозимдир.