М а р к е т и н г асосий маркетинг тушунчалари ва замонавий сўзларининг қисқача изоҳли луғати

Директ-маркетинг (direct marketing) - бу мақсадли истеъмолчиларга тўғридан-тўғри таъсири йўналтирилган, маркетинг чора-тадбирларининг комплексидир. Масалан, Директ-маркетингни услублари ва воситаларига қуйдагилар килади: манзилли почта жўнатмалари, интернет (e-mail) - жўнатма, мижозларга агент хизматини кўрсатиш, телемаркетинг ва бошқалар.
Дистрибьютор (distributor) - у мамлакатниннг турли ҳудудларига ишлаб чиқарувчиларнинг товарларни етказиб бериш билан шуғулланувчи, улгуржи савдо воситачисидир. Ишлаб чиқарувчиларга товарларни сақлаш, етказиб бериш ва уларнинг товарларини ҳудудий оммавий ахборот воситаларида реклама қилиш имкониятларига эгадир.
Ё
Ёрлиқ (label) – бу ахборот учун махсус ташкил этилган жой бўлиб, унда упаковкани (жойлаш, ўрашни) мазмуни кўрсатилади ва реклама жойлаштирилади.
Ж
Жамоатчилик (publics) – (баъзида уни «алоқа аудиториялари» ҳам дейилади) бу маркетингнинг ташқи соҳаси омили бўлиб, у шу корхона бўйича ҳақиқий ёки потенциал қизиқишга алоқадор ҳамда унинг мақсадларига эришиш имкониятларига таъсир этувчи турли ташкилотлар, ижтимоий қатламлар ва аҳолининг турли-туман гуруҳларини характерлайди. Уларга қуйидагилар киради: молия ташкилотлари; оммавий ахборот воситалари давлат муассасалари; истеъмолчилар ва аҳолининг айрим қатламлари манфаатларини ифодаловчи (ҳимоя қилувчи) ташкилотлар; маҳаллий жамоатчилик ташкилотлари; корхонанинг ўз персонали.
Жамоатчилик билан алоқа (public relations) – бу корхона, унинг маҳсулотлари ҳақида ижобий имиджни шакллантириш ҳамда у ҳақдаги турли салбий фикрларни нейтрализация қилиш йўли орқали корхона билан доимий алоқада бўладиган турли давлат ва жамоатчилик тизимлари ҳамда қатламлари билан яхши муносабатларни вужудга келтириш. Жамоатчилик билан алоқа қилишни ҳаётга татбиқ этишнинг асосий воситалари орасидан қуйидагиларни, яъни корхона ҳамда унинг маҳсулотлари ҳақидаги ижобий янгиликларни турли нутқлар, матбуот орқали чиқишлар, аудио ҳамда видеоматериаллар, спонсорлик ва хайрия фаолиятлари орқали тарқатишни алоҳида кўрсатиб ўтиш мумкин.