М а р к е т и н г асосий маркетинг тушунчалари ва замонавий сўзларининг қисқача изоҳли луғати

В
Вирусли реклама (viral advertising) - бу шундай реклама стратегияларини ишлаб чиқиши, улар орқали реклама ахборотини истеъмолчилар бир-бирларига етказишини рағбатлантиради. Ахборотни, улар реклама тариқасида эмас, балки кўнгил очиш, ўйин-кулгу ва хурсандчилик сифатида қабул қиладилар. Қуйидагилар вирусли реклама бўлиши мумкин:
- ажойиб сайт;
- иғволи мақола;
- флеш-ўйин;
- кўп фойдаланиладиган ўйин;
- онлайн-сервис;
- мультфильм;
- видеоролик;
- миш-мишлар, жанжаллар (яъни, дўстлар ва танишларга сўзлаб бериладиган ҳар хил гаплар).
Видео пресс-релиз (video news release, VNR) - бу корхона ҳақидаги янгиликлар тўғрисида, контакт аудиторияларни хабардор қилиш учун мўлжалланган, махсус тайёрланган видеоматериаллар.
Вирусли маркетинг (viral marketing) - бу реклама ахборотини яширин (тўғридан-тўғри бўлмаган) равишда тарқатишга йўналтирлган, силжитишнинг барча услублари ва каналларининг йиғиндисидир. Вирусли маркетинг услубларига: вирусли видео, блоггинг (блоглар ва форумлардаги тўғридан-тўғри бўлмаган силжитишлар), вирусли онлайн ўйинлар, PR-трюклар, блюджекинг (bluetooth орқали ахборотни тарқатиш), тўғридан-тўғри бўлмаган СМС – тарқатмалар ва хоказолар киради.
Воситачи (middleman) – у товарга бўлган мулк хуқуқини олмаган, лекин фақатгина унинг олди-сотди жараёнига кўмаклашадиган шахсдир. Воситачи фақатгина сотувчи ва харид қилувчини учраштириб, ўзининг хизматларига тегишли бўлган мукофотни олади. Хусусий шахслар, брокерлар, комиссионерлардан фарқли бозорда улгуржи ва чакана савдо воситачилари ҳам фаолият юритадилар, улар эса товарларга бўлган мулк ҳуқуқини оладилар ва ўз номларидан иш юритадилар.
Г
Географик бозор сегментацияси (geographic segmentation of market) – деганда бозорни турли географик бирлик гуруҳига бўлиш тушунилади. Улар қуйидагилардир: мамлакатлар, ҳудудлар, вилоятлар, шаҳарлар, қишлоқлар ва ҳоказолар.
Гипермаркет (hypermarket) - бу турли туман товарларни сотувчи, савдо майдони 4645 квадрат метрдан кам бўлмаган жуда катта чакана савдо дўконидир. Бундай савдо дўконлари шаҳарлар яқинида жойлашган бўлиб, улар харидорларни арзон нархлардаги товарлари билан жалб қилади ҳамда автомобилларни қўйиш жойларига эгадир.