М а р к е т и н г асосий маркетинг тушунчалари ва замонавий сўзларининг қисқача изоҳли луғати

Интернет (Internet) – бу рекламанинг мақсадлари, имиджи, яъни фирманинг брендини бозорга силжитиш орқали Интернетдан фойдаланувчилар аудиториясида унинг имиджи яратилади. Мазмунли сайтнинг мақсадли фойдаланувчиларини жалб қилиш орқали товар ёки хизмат сотилади. Интернет – рекламани мавзули, бирданига кўринувчи, гипермавзули (график ва мавзу), мультимедияли (овоз ва анимация), рўйхатлар жўнатмаси, баннерли ва контексли каби турлари мавжуддир. Ҳозирги вақтда Интернетнинг фаол ривожланиши орқали бу рекламанинг янги турлари тез пайдо бўлмоқда.
Инновация (янгилик, янгиликни киритилиши) (innovation) - бу маркетингда энг аввало товар, хизмат ёки стилни, истеъмолчилар томонидан янги деб қабул қилинишдир.
Интервью (interview) - бу бирламчи ахборотни тўплашда фойдаланиладиган, сўров ўтказишнинг тури, тадқиқот воситасидир. Интервью воситаси орқали истеъмолчилар ҳақида сон ва сифат маълумотлари йиғилади, шунингдек, уларни товарларни ёки хизматларни танлаш ҳамда сотиб олиш жараёнида туртки берадиган хулқ-атворлари ўрганилади.
Интервьюер (interviewer) - бу респондентлар сўровини ўтказиш учун махсус тайёрланган тадқиқотчидир.
Интернет-маркетинг (internet marketing) - бу интернет компьютер тармоғида маркетинг функцияларини амалга оширишдир. 1980 йилдан бошлаб бу тармоқда турли маркетинг чора-тадбирлари амалга ошириб келинмоқда (бозорлар тадқиқоти, товарларни тестдан ўтказиш, уларни силжитиш ва сотиш). XXI асрда Интернет тармоғини янада ривожланиши натижасида онлайн ва глобал маркетингни амалга ошириш имконияти яратилди.
Ислоҳот(лотинча reform – тубдан ўзгартириш)(
reform) - яъни ижтимоий ҳаётнинг айрим томонларини тубдан ўзгартирмоқ (иқтисодиёт,тартиблар, корхоналар фаолиятини ва ҳоказолар).
Истеъмолчини маркетинг – микс “4C” (consumer marketing mix, 4C) – бу туртта омилни ўз ичи олган шартли белгилардан иборат: 1) истеъмолчи қарори (customer solution); 2) харидорнинг харажатлар (customer cost); 3) харидни қулайлиги (convenience); 4)коммуникациялар (communication). Истеъмолчини тўртта “C” си сотувчини тўртта “P” сига тўғри келиши керак. Бу омилларни корхонанинг маркетинги ва мақсадли бозорига мос келиши, маркетинг тадқиқотлари ёрдамида баҳоланади.