М а р к е т и н г асосий маркетинг тушунчалари ва замонавий сўзларининг қисқача изоҳли луғати

Конъюнктура (conjuncture) – бу бозорда маълум бир вақтда юзага келган иқтисодий ҳолатдир (асосан талаб ҳамда таклиф нисбати ва у билан боғлиқ бўлган нархлар даражаси орқали юзага келади).
Коммивояжер (direct – sales representative ёки commercial traveller) - бу ўзида мавжуд бўлган товарларнинг нусхалари, каталоглари бўйича харидорларга тавсия этувчи, корхонанинг йўловчи агентидир. Унинг асосий ишикорхонанинг потенциал истеъмолчилари билан бевосита уларнинг ҳудудида алоқада бўлишдир. Коммивояжер корхона маҳсулотларига буюртмачилар (истеъмолчилар)ни топиш билан шуғулланади, аммо бевосита ўзи корхона номидан битимларни тузиш ҳуқуқига эга эмасдир. Агентлар ва дилерлардан фарқли ўлароқ, коммивояжер юридик шахс бўлиб ҳисобланмайди.
Коммерциализация (commercialization) – бу янги маҳсулотни ишлаб чиқариш жараёни бўлиб, бунда корхона ўзи танлаб олган бозорда янги маҳсулотни кенг ишлаб чиқаришни ҳамда сотишни амалга оширади.
Коммуникатив каналлар (communication channels) – бу мақсадли аудиторияларнинг вакиллари билан ахборотларни етказиб бериш ва айирбошлаш ёрдамида таъминланадиган усуллар ҳамда воситалардир. Коммуникатив каналларга газеталар, журналлар, радио, телевидение, кино, почта, телефон, Интернет ва бошқалар киради.
Контакт аудиториялар (contact public) - бу корхона билан ўзаро алоқада бўладиган, унга реал ёки потенциал қизиқиши бор ва улардан ўзининг мақсадларига эришиши боғлиқ бўлган одамларнинг турли гуруҳларидир.
Креативлик (creativity) – бу маркетинг ёки реклама соҳасида банд бўлган ходимлар томонидан, антиқа ғояларни вужудга келтириш ва уларни амалётга татбиқ этиш шакллари, анъанавий фикрлаш моделларидан четга чиққан ҳолда, улар олдида турган муаммолар ечимини топиш бўйича ижодкорлик қобилиятидир.
Кросс-маданий ўзига хос хусусиятлар таҳлили (cross-cultural analysis) - бу маркетинг тизимида, турли мамлакатлар ва ҳудудлар харидорлари ҳамда истеъмолчиларини бир-бирига ўзаро ўхшашлиги ва фарқ қилишини ўрганишдир.
Кузатув, мониторинг (observation, monitoring) – бу кузатувчилар ёки автоматлаштирилган регистраторлар томонидан маълумотларни доимий равишда кузатиб бориш ва рўйхатга олиш бўйича бирламчи ахборотларни тўплаш, йиғиш методидир. Масалан, сотув жойларида товарларни танлаш ва сотиб олиш жараёнидаги истеъмолчининг хулқ-атворини кузатиш, рақобатчиларни реклама компаниясинива бошқаларни кузатиш.
Купон (coupon) – бу реклама ва ахборот проспектларининг сертификат, талон кўринишидаги кесиб олинадиган қисмидир. Купон – харидорга айрим товарларни имтиёзли нархларда сотиб олиш хуқуқини беради. Бунинг учун харидор купонни фирма ёки магазиннинг жойлашган манзилгоҳи (адреси)га юбориши ёки шахсан кўрсатиши керак.