М а р к е т и н г асосий маркетинг тушунчалари ва замонавий сўзларининг қисқача изоҳли луғати

Маркетинг-менежмент (marketing-management) – бу мақсадли бозорларни тўғри танлаш ҳамда истеъмолчилар билан фойдали бўлган муносабатларни шакллантириш санъати ва фанидир.
Маркетинг коммуникацияси (marketing communication) – бу мақсадли аудиторияга товар , хизмат ёки ғоя ҳақидаги ахборот етказиш жараёнидир.
Маркетинг концепцияси (marketing concept) – бу корхонанинг бозордаги фаолияти натижалари ва ушбу натижаларга эришиш усуллари бўйича илмий асосланган тушунчалар тизимидир. Корхоналар ўз фаолиятини қуйидаги бешта асосий концепция буйича олиб бормоқдалар: ишлаб чиқаришни (технологияни) такомиллаштириши; товарни такомиллаштириш; тижорий (сотув) харакатларини фаоллаштириш (кучайтириш); соф маркетинг ва ижтимой – этик маркетинг концепциялари. Булардан ташқари замонавий шароитларда стратегик, глобаль ва ҳамкорлик муносабатлари (максимаркетинг) маркетинги концепциялари қўлланилади.
Маркетинг муносабатлари, максимаркетинг (marketing relationship) – бу корхонанинг асосий мақсади ҳисобланган мавжуд ва потенциал харидорлар билан узоқ муддатли ҳамда ишончли алоқаларни ўрнатишдан ибрат бўлган маркетинг фаолиятидир. Маркетинг муносабатлари соҳасидаги ҳал қилиниши лозим бўлган ечимлар, муҳим истеъмолчилар гуруҳи доирасини аниқлашдан, улар билан ишлаш буйича истиқболли ва жорий режаларни ишлаб чиқишдан, менежерларни мижозлар билан бўладиган ўзаро муносабатларга ўқитишдан ҳамда бу менежерлар ишининг самарадорлигини назорат қилишдан иборат бўлади.
Маркетинг муҳити (marketing environment) – бу корхона томонидан қабул қилинадиган маркетинг қарорларига таъсир кўрсатувчи шарт-шароитлар ва омилларнинг йиғиндисидир. У ташқи ва ички муҳитларга ажратилади. Ташҳиси (корхона томонидан тулиқ назорат қилинмайдиган) макро – ва микромуҳитлардан ташкил топади. Ички (корхона томонидан тулиқ назорат қилинади) муҳит корхонани мавжуд бошқарув тизимидан (режалаштириш, ташкил этиш, ҳисоб ва назорат тизими, бозор фаолиятини тезкор равишда тартибга солиш) ва шунингдек, маркетинг фаолиятини ривожланиш даражасидан келиб чиқади.