М а р к е т и н г асосий маркетинг тушунчалари ва замонавий сўзларининг қисқача изоҳли луғати

Истеъмол нархлари индекси (Consumer Price Index, CPI) - бу истеъмол саватчаси қиймати динамикасининг нисбий кўрсаткичидир (истеъмол товарлари ва хизматлар): озиқ-овқат товарлари, уй жойлар, кўп истеъмол қилинадиган саноат товарлари, ёқилғи ва энергиялар. Ҳар ойда олдинги ойга нисбатан ҳисобланади.
Истеъмолчини маркетинг – микс “4C” (consumer marketing mix ,4C) – бу туртта омилни ўз ичи олган шартли белгилардан иборат: 1) истеъмолчи қарори (customer solution); 2) харидорнинг харажатлар (customer cost); 3) харидни қулайлиги (convenience); 4)коммуникациялар (communication). Истеъмолчини тўртта “C” си сотувчини тўртта “P” сига тўғри келиши керак. Бу омилларни корхонанинг маркетинги ва мақсадли бозорига мос келиши, маркетинг тадқиқотлари ёрдамида баҳоланади.
Истеъмол панели (consumer panel) – бу уй бекалари ва айрим истеъмолчилардан ташкил топган панель иштирокчиларидир. Сўров ўтказиш давомида, бу иштирокчилар махсус тайёрланган сўров варақаларини (анкетани), улар томонидан амалга оширилган харидлар ҳақида тўлдирадилар.
Истеъмолчиларнинг хулқ-атвори (consumer behavior) – бу ўзини эҳтиёжи ва талабини қондириш мақсадида, товар ва хизматларни сотиб олиш, уларни харид қилиш бўйича қарорини асослаш ҳамда қабул қилиш билан боғлиқ бўлган маълум гуруҳдаги кишиларнинг ҳаракатидир. Шунингдек буни, истеъмолчиларни талабини шакллантирадиган комплекс шароитларга, шу жумладан, фирма томонидан амалга оширилаётган маркетинг чора-тадбирларига нисбатан жавоб реакцияси сифатида ҳам кўриш мумкин.
Истеъмолчи (consumer) – бу маҳсулотни (товар ва хизматларни) истеъмол қилувчи юридик ёки жисмоний шахсдир. Истеъмолчи маркетинг тадқиқотининг асосий объекти ҳисобланади.
Истеъмол бозори (consumer market) – бу товарлар ва хизматларни ўзининг шахсий истеъмоли учун сотиб олувчи шахслар ва оилаларнинг йиғиндисидир. Истеъмолчиларни бозордаги хулқ-атвори маданий, ижтимоий, иқтисодий ва психологик омиллар асосида аниқланади. Истеъмолчи бозори кўпинча жуда кўп бўлган истеъмолчиларнинг ва кучли рақобатнинг мавжудлиги билан характерланади.