М а р к е т и н г асосий маркетинг тушунчалари ва замонавий сўзларининг қисқача изоҳли луғати

К
Кастомизация (customersation) – бу товарлар ва хизматларни истеъмолчини (customer) талабига кўра мослаштириш жараёнидир, яъни уларни мақсадли истеъмолчиларнинг якка узига хослиги ҳамда талабига кўра “мослаштириш”. Истеъмолчи товарларни позициялаштириш марказига айланади (“ишлаб чиқарувчи истеъмолчи”).
Кастомизациялашган маркетинг (customized marketing) – бу якка ва обрўли истеъмолчиларга йуналтирилган, улар учун таклифни шакллантириш мақсадида, уларни орзусига мос келадиган, ҳар бир харидорнинг буюртмаси бўйича маркетинг стратегиясидир. Бу мақсад учун бозор сегментацияси амалга оширилади ва мақсадли мижозларни туғридан-туғри фикрини олиш асосида қидирилади ҳамда истеъмолчиларни интерактив коммуникациялар воситалари буйича танлаб олинади (энг аввало интернет ёрдамида).
Кейслар методи (услуби) (Case method) – бу алоҳида олинган бозор ҳолатини батафсил, тўла-тўкис ёритиш ва таҳлил қилишдир. Бу услуб таълим мақсадларида кенг ишлатилади ва тингловчиларга бу ҳолатни иштирокчилари бўлиш ҳамда юзага келган муаммолар бўйича оптимал ечимларни топиш таклиф этилади.
Кластер таҳлили (cluster analysis) - бу ўзаро максимал сонга эга бўлган умумий ўхшашлик хусусияти ва бошқа гуруҳларининг истеъмолчиларига эса, минимал равишда ўхшашлиги бўйича, истеъмолчи гуруҳларни аниқлаш услубидир.
“Кластер” - бу инглиз сўзи бўлиб, қуюлиб қолган нарса, боғлам ёки гуруҳ деган маънони англатади. Яъни, ўзаро бир-бирига ўхшаш объектлардан ташкил топган гуруҳ.
Комиссионер (commission agent) – бу товарларни сотиб олиш ва сотишни, уларга бўлган эгалик ҳуқуқини илмий амалга оши–рувчи воситачидир. Ўзининг хизматлари эвазига, сотув ҳажмининг миқдорига боғлиқ бўлган комиссион пулини олади.
Контент-киосклар (content kiosks) – бу тўғридан-тўғри маркетингнинг шакл-ларидан бири ҳисобланиб, улар гавжум (меҳмонхона, аэропорт, вокзал, магазин ва ҳоказо) жойларда, товарлар ҳақида ахборот олиш ва буюртма бериш учун ўрнатилган махсус автоматлардир.
Корхонада маркетингни ташкил этиш (marketing organization chart, structure) – бу корхона (фирма) ходимларини маркетинг фаолиятини бошқариши бўйича вазифалари, хуқуқ ва жавобгарлигининг тақсимот тизимидир. Корхонада маркетинг фаолиятини ташкил этишда махсус маркетинг бўлимларини (департаментлар, бошқармалар, бўлимлар) вазифалари ва функциялари кўрсатилади. Уларнинг ходимлари фақат маркетинг чора-тадбирларини режалаштириш ва амалга ошириш билан шуғулланадилар. Шунингдек, бошқа бўлимларнинг мутахассислари ўзларининг асосий вазифаларидан ташқари, у ёки бу маркетинг функцияларини бажарадилар. Корхонанинг маркетинг фаолиятини ташкилий тузилиши, унинг иш фаолияти характери, ташқи ва ички маркетинг соҳасига боғлиқ ҳолда функционал, товар, бозор матричли (масалан, товар-бозор) принципи асосида тузилиши мумкин.