Loyiha matni 49901-(61999)

98-modda. Tadbirkorlik subyektlari tomonidan homiylik qilishdagi davlat kafolatlari
Tadbirkolik subyektlari – homiylik ishtirokchilarining huquqlari va qonuniy manfaatlarini
himoya qilish davlat tomonidan kafolatlanadi.
Tadbirkorlik subyektlarini pul mablagʻlari hamda boshqa moddiy qimmatliklarni ajratish bilan
bogʻliq homiylikka va boshqa tadbirlarga majburiy jalb etgan davlat organlarining mansabdor shaxslari
qonun hujjatlariga muvofiq javobgar boʻladi.
Homiylikni amalga oshiruvchi tadbirkorlik subyektlariga Oʻzbekiston Respublikasining Soliq
kodeksiga muvofiq soliq imtiyozlari berilishi mumkin.
Homiylikni amalga oshiruvchi tadbirkorlik subyektlari hamda ularning birlashmalari davlat
organlari va mahalliy davlat hokimiyati organlari bilan hamkorlik qilishi, shartnomalar tuzishi,
shuningdek shartnomalar asosida qonunchilikda taqiqlanmagan ishlarni bajarishi mumkin.

---

project.gov.uz
06.06.2022
43
99-modda. Tadbirkorlik subyektlarining bandlik va mehnat munosabatlari sohasidagi
ijtimoiy masʼuliyati
Tadbirkorlik subyektlarining ijtimoiy masʼuliyati tadbirkorlik subyektlari xodimlarining
qonunchilikda nazarda tutilgan huquqlarini himoya qilish asosida shakllanadi hamda ijtimoiy masalalarni
hal qilish va mehnat shartlarini belgilash boʻyicha tadbirkorlik subyektlari va ularning xodimlari oʻrtasida
sheriklik munosabatlarini rivojlantirishga qaratilgan boʻlishi lozim.
Tadbirkorlik subyektlari ijtimoiy masʼuliyatining bandlik va mehnat munosabatlari sohasidagi
asosiy yoʻnalishlari ish joylarini saqlab qolishda, mehnat sharoitlarini yaxshilashda, mehnat xavfsizligini
taʼminlashda va xodimlarni ijtimoiy himoya qilish normalariga rioya qilishda ifodalanadi.
100-modda. Tadbirkorlik subyektlarining ekologiya sohasidagi ijtimoiy masʼuliyati
Tadbirkorlik subyektlarining ekologiya sohasidagi ijtimoiy masʼuliyati quyidagi vazifalarni
bajarish orqali amalga oshiriladi:
atrof-muhitni himoya qilish hamda koʻchalarni, bogʻlarni va boshqa jamoat joylarini
obodonlashtirish bilan bogʻliq tadbirlarni moliyalashtirish;
atrof-muhitni himoya qilishga qaratilgan oʻzining ichki siyosatini tasdiqlash;
atrof-muhit holatini yaxshilashga yoʻnaltirilgan boshqa masalalarni xal qilish.