Loyiha matni 49901-(61999)

8-bob. Ijtimoiy tadbirkorlik
1-§. Umumiy qoidalar
101-modda. Ijtimoiy tadbirkorlik sohasidagi asosiy tushunchalar
Ushbu bobda quyidagi asosiy tushunchalar qoʻllaniladi:
ijtimoiy korxona – aholining ijtimoiy ehtiyojmand qatlamlari bandligini taʼminlashni, ijtimoiy
tovarlar ishlab chiqarish va ijtimoiy xizmatlar koʻrsatishni, shuningdek ekologik muammolarni hal etishni
maqsad qilib olgan hamda ushbu Kodeksga muvofiq ijtimoiy korxonalar reyestriga kiritilgan tadbirkorlik
subyekti;
ijtimoiy korxonalar reyestri – ijtimoiy korxonalar toʻgʻrisidagi maʼlumotlarning yagona elektron
axborot bazasi boʻlib,u Oʻzbekiston Respublikasi Iqtisodiy taraqqiyot va kambagʻallikni qisqartirish
vazirligi tomonidan yuritiladi;
ijtimoiy loyiha – ijtimoiy korxona tomonidan ijtimoiy tadbirkorlik faoliyatini amalga oshirish
usuli;
ijtimoiy tadbirkorlik – yuridik shaxslarning yoki yakka tartibdagi tadbirkorlarning (bundan

---

project.gov.uz
06.06.2022
44
buyon matnda tadbirkorlik subyektlari deb yuritiladi) ijtimoiy, ekologik muammolarni hal etishga yoki
ularning oqibatlarini yumshatishga qaratilgan faoliyati;
ijtimoiy tovar – aholining ijtimoiy ehtiyojmand qatlamlariga boshqa fuqarolar bilan teng
imkoniyatlar yaratish uchun zarur boʻlgan tovarlar va vositalar, shu jumladan nogironligi boʻlgan
shaxslar uchun protez-ortopediya buyumlari va anjomlari, shuningdek reabilitatsiya qilishning texnik
vositalari, Brayl alifbosidagi kitoblar hamda boshqa bosma nashrlar, nogironligi boʻlgan bolalar uchun
darsliklar va badiiy adabiyotlar, audio kitoblar, imo-ishora tili qoʻllanilgan videomateriallar;
ijtimoiy xizmatlar – turmush sifatini oshirishga, jamiyat hayotida ishtirok etishda boshqa
fuqarolar bilan teng imkoniyatlar yaratishga va (yoki) asosiy hayotiy ehtiyojlarini mustaqil ravishda
taʼminlash imkoniyatlarini kengaytirishga qaratilgan xizmatlar koʻrsatilishiga muhtoj boʻlgan shaxsga
yordam koʻrsatishga doir huquqiy, iqtisodiy, psixologik, taʼlimga oid, tibbiy, reabilitatsiya chora-
tadbirlari majmui.