Loyiha matni 49901-(61999)

2-§. Ijtimoiy tadbirkorlik sohasini davlat tomonidan tartibga solish
105-modda. Ijtimoiy tadbirkorlik sohasidagi davlat siyosatining asosiy yoʻnalishlari
Ijtimoiy tadbirkorlik sohasidagi davlat siyosatining asosiy yoʻnalishlari quyidagilardan iborat:
ijtimoiy tadbirkorlikni qoʻllab-quvvatlash va ragʻbatlantirish;
ijtimoiy tadbirkorlikning huquqiy asoslarini yaratish
va takomillashtirish;
ijtimoiy tadbirkorlik sohasida davlat dasturlarini ishlab chiqish va amalga oshirish;
ijtimoiy loyihalarga investitsiyalarni jalb etish uchun qulay shart-sharoitlar yaratish.
106-modda. Oʻzbekiston Respublikasi Vazirlar Mahkamasining ijtimoiy tadbirkorlik
sohasidagi vakolatlari
Oʻzbekiston Respublikasi Vazirlar Mahkamasi:
ijtimoiy tadbirkorlik sohasida yagona davlat siyosati amalga oshirilishini taʼminlaydi;
ijtimoiy tadbirkorlik sohasidagi davlat dasturlari ishlab chiqilishini, tasdiqlanishini va amalga
oshirilishini taʼminlaydi;
ijtimoiy tadbirkorlik sohasidagi normativ-huquqiy hujjatlarni oʻz vakolatlari doirasida qabul

---

project.gov.uz
06.06.2022
46
qiladi;
davlat organlari va boshqa tashkilotlarning ijtimoiy tadbirkorlik sohasidagi faoliyatini
muvofiqlashtiradi;
ijtimoiy ahamiyatga molik oziq-ovqat mahsulotlari roʻyxatini tasdiqlaydi.
Oʻzbekiston Respublikasi Vazirlar Mahkamasi qonunchilikka muvofiq boshqa vakolatlarni ham
amalga oshirishi mumkin.
107-modda. Oʻzbekiston Respublikasi Iqtisodiy taraqqiyot va kambagʻallikni qisqartirish
vazirligining ijtimoiy tadbirkorlik sohasidagi vakolatlari
Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi ijtimoiy
tadbirkorlik sohasidagi vakolatli davlat organidir (bundan buyon matnda vakolatli davlat organi deb
yuritiladi).
Vakolatli davlat organi:
ijtimoiy tadbirkorlik sohasida yagona davlat siyosatini amalga oshiradi;
ijtimoiy tadbirkorlik toʻgʻrisidagi qonunchilikning ijro etilishini taʼminlaydi;
ijtimoiy tadbirkorlik sohasidagi davlat dasturlarini va boshqa dasturlarni ishlab chiqadi hamda
amalga oshiradi;
ijtimoiy tadbirkorlik sohasidagi normativ-huquqiy hujjatlarni ishlab chiqishda oʻz vakolatlari
doirasida ishtirok etadi;
ijtimoiy korxonalar reyestrini yuritadi;
ijtimoiy tadbirkorlikni qoʻllab-quvvatlash loyihalarini tayyorlash va amalga oshirishda
idoralararo muvofiqlashtirishni taʼminlaydi;
ijtimoiy korxonalarning mahalliy davlat hokimiyati organlari, xalqaro moliya va donorlik
tashkilotlari, shuningdek boshqa tashkilotlar bilan hamkorligini tashkil etadi;
ijtimoiy loyihalarni tayyorlash va amalga oshirishda koʻmaklashadi hamda ularning bajarilishi
yuzasidan monitoringni amalga oshiradi;
ijtimoiy tadbirkorlik masalalari yuzasidan tushuntirishlar beradi hamda uslubiy qoʻllanmalar va
yoʻriqnomalar ishlab chiqadi;
ijtimoiy tadbirkorlik sohasidagi ishlarning holatini oʻrganadi va oʻrganish natijalari boʻyicha
Oʻzbekiston Respublikasi Vazirlar Mahkamasiga yillik hisobotlar taqdim etadi.
Vakolatli davlat organi qonunchilikka muvofiq boshqa vakolatlarni ham amalga oshirishi
mumkin.