Loyiha matni 49901-(61999)

102-modda. Ijtimoiy tadbirkorlikning maqsadlari
Ijtimoiy tadbirkorlik faoliyatining maqsadlari jumlasiga quyidagilar kiradi:
aholining ijtimoiy ehtiyojmand qatlamlarini ish oʻrinlari, ijtimoiy tovarlar va ijtimoiy xizmatlar
bilan taʼminlash;
favqulodda vaziyatlarga qarshi kurashishga va ularning oqibatlarini bartaraf etishga qaratilgan
ijtimoiy tovarlarni ishlab chiqarish, ishlarni bajarish hamda xizmatlar koʻrsatish.
103-modda. Aholining ijtimoiy ehtiyojmand qatlamlari
Aholining ijtimoiy ehtiyojmand qatlamlari jumlasiga tovarlarni (ishlarni, xizmatlarni) bozor
sharoitlarida olishda yoki mehnat bozorida ish topishda qiyinchiliklarga duch kelayotgan yoxud
boshqalarning koʻmagiga muhtoj boʻlgan shaxslar, shu jumladan:
I va II guruh nogironligi boʻlgan shaxslar, nogironligi boʻlgan bolalar;
yetim bolalar va ota-ona qaramogʻidan mahrum boʻlgan bolalar hamda ular toifasiga kiradigan
oʻn sakkiz yoshdan oʻttiz yoshgacha boʻlgan shaxslar;
ijtimoiy ahamiyatga molik boʻlgan kasalliklari va atrofdagilar uchun xavf tugʻdiradigan
kasalliklari (sil, onkologik, psixiatriya, narkologik, endokrinologik, infeksiyaviy, tanosil kasalligi, OITS,
moxov va kasb kasalliklari) boʻlgan shaxslar;
qaramogʻida oʻn olti yoshga toʻlmagan yoki nogironligi boʻlgan bolalari bor yolgʻiz shaxslar;
umumiy oʻrta, oʻrta maxsus va professional taʼlim tashkilotlarining oʻqishni tugatganidan keyin
uch yil oʻtmagan bitiruvchilari;
“Mehribonlik” uylarining oʻttiz yoshga yetmagan bitiruvchilari;
jazoni ijro etish muassasalaridan ozod qilingan shaxslar;
oʻzgalarning parvarishiga muhtoj boʻlgan yolgʻiz keksalar va yolgʻiz yashovchi keksalar;

---

project.gov.uz
06.06.2022
45
muomalaga layoqatsiz va muomala layoqati cheklangan shaxslar kiradi.
104-modda. Ijtimoiy sohadagi faoliyat
Ijtimoiy sohadagi faoliyat turlari jumlasiga quyidagilar kiradi:
tegishli litsenziya asosida tibbiyot muassasalari tomonidan koʻrsatiladigan tibbiy xizmatlar
(bundan stomatologiya va kosmetologiya xizmatlari mustasno);
taʼlimga oid xizmatlar, shu jumladan testlar va imtihonlar oʻtkazilishini tashkil etish;
ilm-fan sohasidagi faoliyat (jumladan, ilmiy tadqiqotlar oʻtkazish, muallif tomonidan ilmiy
intellektual mulkdan foydalanish, shu jumladan uni realizatsiya qilish);
jismoniy tarbiya va sport sohasidagi xizmatlar;
chiqindilarni yigʻish, qayta ishlash, zararsizlantirish, saqlash, koʻmib tashlash va utilizatsiya
qilish;
kutubxonalar, arxivlar, muzeylarning va boshqa madaniyat tashkilotlarining faoliyati.