Loyiha matni 49901-(61999)

95-modda. Oʻzbekiston Respublikasi Savdo-sanoat palatasi
Oʻzbekiston Respublikasi Savdo-sanoat palatasi tadbirkorlik subyektlarini birlashtiruvchi
nodavlat notijorat tashkilotidir.
Oʻzbekiston Respublikasi Savdo-sanoat palatasi tadbirkorlik tashabbusini amalga oshirish uchun
qulay huquqiy, iqtisodiy va ijtimoiy shart-sharoitlarni taʼminlash, biznes hamjamiyati hamda davlat
hokimiyati va boshqaruvi organlari, boshqa organlar va tashkilotlar oʻrtasida oʻzaro manfaatli sheriklikni
rivojlantirish, tadbirkorlik subyektlarining huquqlari va qonuniy manfaatlarini himoya qilish kafolatlarini
kuchaytirish, ishbilarmonlik va investitsiya muhitini yaxshilashga har tomonlama koʻmaklashish,
tadbirkorlik subyektlarining tashqi iqtisodiy faoliyatini barcha choralar bilan qoʻllab-quvvatlash
maqsadida tashkil etiladi.
Oʻzbekiston Respublikasi Savdo-sanoat palatasi faoliyati Oʻzbekiston Respublikasining
“Oʻzbekiston Respublikasi Savdo-sanoat palatasi toʻgʻrisida”gi Qonuni bilan tartibga solinadi.
96-modda. Oʻzini-oʻzi boshqarishni joriy etish va uning turlari

---

project.gov.uz
06.06.2022
42
Tadbirkorlik va kasbiy faoliyat sohalarida qulay huquqiy va iqtisodiy sharoitlarni yaratish uchun
Oʻzbekiston Respublikasining tadbirkorlik subyektlarini oʻzini-oʻzi tartibga solish toʻgʻrisidagi
qonunchiligiga muvofiq oʻzini-oʻzi tartibga soluvchi tashkilotlarga ixtiyoriy va majburiy aʼzolik (ishtirok
etish) asosida oʻzini-oʻzi boshqarish joriy etilishi mumkin.
III BOʻLIM. TADBIRKORLIK SUBYEKTLARI VA DAVLATNING OʻZARO HAMKORLIGI
7-bob. Tadbirkorlik subyektlarining ijtimoiy masʼuliyati
97-modda. Tadbirkorlik subyektlarining ijtimoiy masʼuliyati sohasidagi umumiy qoidalar
Tadbirkorlik subyektlarining ixtiyoriy asosda ijtimoiy, ekologiya va boshqa sohalarning
rivojlanishiga hissa qoʻshishi, homiylik qilishi tadbirkorlikning ijtimoiy masʼuliyatidir.
Davlat Oʻzbekiston Respublikasida tadbirkorlik subyektlarining ijtimoiy masʼuliyatini oshirish
uchun sharoit yaratadi.
Tadbirkorlik subyektlarini ijtimoiy masʼuliyat boʻyicha faoliyat yuritishga majburlashga hech
kim haqli emas.
Tadbirkorlik subyektlarining ijtimoiy masʼuliyat boʻyicha faoliyat yuritishga davlat organlari va
ular mansabdor shaxslarining noqonuniy aralashishiga yoʻl qoʻyilmaydi.
Tadbirkorlik subyektlari oʻz faoliyatida ijtimoiy, ekologiya, bandlik va mehnat munosabatlari
hamda boshqa sohalarda oʻz ijtimoiy masʼuliyatini namoyon etishi mumkin.
Tadbirkorlikning ijtimoiy masʼuliyati tadbirkorlik subyektlari tomonidan homiylik va
qonunchilik bilan taqiqlanmagan boshqa shakllarda amalga oshirilishi mumkin.