Loyiha matni 49901-(61999)

108-modda. Mahalliy davlat hokimiyati organlarining ijtimoiy tadbirkorlik sohasidagi
vakolatlari

---

project.gov.uz
06.06.2022
47
Mahalliy davlat hokimiyati organlari:
ijtimoiy tadbirkorlik toʻgʻrisidagi qonunchilikning ijro etilishini taʼminlaydi;
ijtimoiy tadbirkorlik sohasidagi hududiy dasturlarni ishlab chiqadi, tasdiqlaydi hamda amalga
oshiradi;
tegishli maʼmuriy hududlarning ijtimoiy-iqtisodiy, demografik va boshqa xususiyatlarini hisobga
olgan holda ijtimoiy korxonalarni
oʻz vakolatlari doirasida qoʻllab-quvvatlaydi;
ijtimoiy tadbirkorlik sohasiga investitsiyalar jalb etish uchun qulay shart-sharoitlar yaratish
choralarini koʻradi;
ijtimoiy tadbirkorlik toʻgʻrisidagi qonunchilikni takomillashtirish yuzasidan takliflar ishlab
chiqadi va vakolatli davlat organiga kiritadi.
Mahalliy davlat hokimiyati organlari qonunchilikka muvofiq boshqa vakolatlarni ham amalga
oshirishi mumkin.
3-§. Ijtimoiy korxona
109-modda. Ijtimoiy korxona mezonlari
Tadbirkorlik subyektlari ijtimoiy korxona sifatida quyidagi mezonlardan biriga yoki bir
nechtasiga mos kelganda ijtimoiy korxonalar reyestriga kiritiladi:
xodimlari umumiy sonining kamida yetmish foizi aholining ijtimoiy ehtiyojmand qatlamlari
jumlasiga kiradigan, xodimlar mehnatiga haq toʻlash umumiy fondining kamida yetmish foizini aholining
ijtimoiy ehtiyojmand qatlamlari jumlasiga kiradigan xodimlarning mehnatiga haq toʻlash fondi tashkil
etadigan tadbirkorlik subyektlari;
tovarlarni sotishdan yoki xizmatlar koʻrsatishdan olingan umumiy daromadining kamida ellik
foizini ijtimoiy tovarlarni realizatsiya qilishdan yoki ijtimoiy xizmatlar koʻrsatishdan tushgan daromadlar
tashkil etadigan tadbirkorlik subyektlari;
ijtimoiy sohadagi faoliyatni amalga oshirishdan tushgan tushumining hajmi jami tushumining
kamida toʻqson foizini tashkil etadigan tadbirkorlik subyektlari;
oʻz faoliyati turini favqulodda vaziyatlarga qarshi kurashish va ularning oqibatlarini bartaraf
etishga qaratilgan tovarlar ishlab chiqarishga, ishlarni bajarish va xizmatlar koʻrsatishga oʻzgartirgan
tadbirkorlik subyektlari.
Tadbirkorlik subyektlarining ijtimoiy korxona mezonlariga mos kelishi ularning soliq
hisobotlarini oʻrganish orqali soliq organlari tomonidan aniqlanadi.