Loyiha matni 49901-(61999)

project.gov.uz
06.06.2022
11
31-modda. Tadbirkorlik subyektlarining majburiyatlari
Tadbirkorlik subyektlari:
Oʻzbekiston Respublikasi qonunchiligi talablariga muvofiq tovar, (ish, xizmat)larning xavfsizligi
va sifatini taʼminlashi;
tovar (ish, xizmat)lar isteʼmolchilariga tovar (ish, xizmat)lar toʻgʻrisida toʻliq va ishonchli
maʼlumotlarni taqdim etishi;
oʻzlari tuzgan shartnomalardan kelib chiqadigan majburiyatlarni bajarishi;
soliq va yigʻimlarni toʻlashi;
mehnat shartnomasi (kontrakt) boʻyicha ishlayotgan shaxslarning mehnat haqini qonunchilik
hujjatlarida Mehnatga haq toʻlash yagona tarif setkasining birinchi razryadi boʻyicha belgilangan
miqdordan oz boʻlmagan miqdorda belgilashi, ular bilan oʻz vaqtida hisob-kitob qilishi, shuningdek ish
beruvchi sifatida oʻz fuqarolik javobgarligini sugʻurta qilishi;
mehnatni muhofaza qilish, xavfsizlik texnikasi, ekologiya, yongʻin xavfsizligi, sanitariya va
gigiyena sohasidagi qonunchilik hujjatlari hamda normativ hujjatlar, shuningdek boshqa qonunchilik
hujjatlari talablariga rioya etishi;
raqobat toʻgʻrisidagi va isteʼmolchilarning huquqlarini himoya qilish haqidagi qonunchilik
hujjatlari talablariga rioya etishi;
realizatsiya qilinadigan mahsulot va xizmatlar uchun sertifikatlarga ega boʻlishi;
joylashgan yeri (pochta manzili) oʻzgarganligi toʻgʻrisida tegishli davlat organlarini oʻz vaqtida
xabardor qilishi;
buxgalteriya, tezkor va statistika hisobini qonunchilik talablariga muvofiq yuritishi;
oʻz faoliyati toʻgʻrisidagi hisobotlarni tegishli davlat organlariga belgilangan tartibda va
muddatlarda taqdim etishi shart.
Tadbirkorlik subyektlarining zimmasida qonunchilikka muvofiq boshqa majburiyatlar ham
boʻlishi mumkin.
3-bob. Tadbirkorlik subyektlari huquqlarining kafolatlari
32-modda. Tadbirkorlik faoliyati erkinligining konstitutsiyaviy kafolatlari
Davlat iqtisodiy faoliyat, tadbirkorlik erkinligini, barcha mulk shakllarining teng huquqliligi va
huquqiy jihatdan bab-baravar muhofaza etilishini kafolatlaydi.
Xususiy mulk boshqa mulk shakllari qatori daxlsizdir va davlat tomonidan himoya qilinadi.
Tadbirkorlik subyekti mulk huquqi asosida oʻziga tegishli boʻlgan mol-mulkka oʻz xohishiga
koʻra egalik qiladi, undan foydalanadi va uni tasarruf etadi.

---