Loyiha matni 49901-(61999)

2-bob. Tadbirkorlik subyektlari toʻgʻrisida umumiy qoidalar
23-modda. Tadbirkorlik subyektlari

---

project.gov.uz
06.06.2022
7
Tadbirkorlik subyektlari belgilangan tartibda davlat roʻyxatidan oʻtgan holda tadbirkorlikni
amalga oshirayotgan yuridik va jismoniy shaxslardir.
Tadbirkorlik subyekti hisoblangan fuqarolar yakka tartibdagi tadbirkor sifatida ushbu
Kodeksning 10-bobida belgilangan tartibda davlat roʻyxatidan oʻtadi.
Tadbirkorlik subyekti hisoblangan yuridik shaxs ushbu Kodeksning 5-bobida belgilangan
tashkiliy-huquqiy shakllarga muvofiq tashkil etilishi mumkin.
Davlat organlari (qonun hujjatlarida nazarda tutilgan hollar bundan mustasno) tadbirkorlik
subyektlari boʻlishi mumkin emas.
Tadbirkorlik subyektini tashkil etish yoki uning muassisi (ishtirokchisi) boʻlish (bundan
aksiyalari ommaviy muomalada boʻlgan aksiyadorlik jamiyatlarining 10 foizigacha aksiyalariga egalik
qilish holatlari mustasno), tadbirkorlik subyektida tashkiliy-boshqaruv, maʼmuriy-xoʻjalik vazifalarini
amalga oshirish (bundan mazkur faoliyat qonunchilik hujjatlariga muvofiq lavozim majburiyatlari
hisoblanadigan hollar mustasno) quyidagi shaxslarga taqiqlanadi:
oliy davlat va vakillik organi davlat hokimiyati va boshqaruv organlarining rahbarlari va
boshqaruv xodimlari;
huquqni muhofaza qiluvchi organlarning rahbarlari va boshqaruv xodimlari;
Oʻzbekiston Respublikasi Qurolli Kuchlarining tarkibiga kiruvchi harbiy tuzilmalarda kontrakt
boʻyicha xizmat qilayotgan harbiy xizmatchilar;
davlat ulushi 50 foiz va undan yuqori boʻlgan korxona va tashkilotlar rahbarlari;
davlat unitar korxonlari va davlat muassasalari rahbarlari.
Ushbu moddaning beshinchi qismida belgilangan taqiq qonun hujjatlari bilan boshqa mansabdor
shaxslarga ham tatbiq etilishi mumkin.