Loyiha matni 49901-(61999)

26-modda. Oʻrta tadbirkorlik subyektlari
Oʻrta tadbirkorlik subyektlari toifasiga xodimlarning oʻrtacha yillik soni yuz nafardan ortiq biroq
ikki yuz ellik nafardan koʻp boʻlmagan va (yoki) tovar (ish, xizmat)larni realizatsiya qilish boʻyicha
oʻrtacha yillik aylanma miqdori bazaviy hisoblash miqdorining toʻqson ming baravaridan ortiq biroq toʻrt
yuz ellik ming baravaridan ortiq boʻlmagan tadbirkorlik subyektlari kiradi.
27-modda. Yirik tadbirkorlik subyektlari

---

project.gov.uz
06.06.2022
9
Yirik tadbirkorlik subyektlari toifasiga xodimlarning oʻrtacha yillik soni ikki yuz ellik nafardan
ortiq boʻlgan va (yoki) tovar (ish, xizmat)larni realizatsiya qilish boʻyicha oʻrtacha yillik aylanma
miqdori bazaviy hisoblash miqdorining toʻrt yuz ellik ming baravaridan ortiq boʻlgan tadbirkorlik
subyektlari kiradi.
28-modda. Tadbirkorlik subyektlarining toifalari reyestri
Tadbirkorlik subyektlarining toifalaridan foydalanish uchun Davlat statistika qoʻmitasi
tadbirkorlik subyektlarining toifalari reyestrini yuritadi.
Tadbirkorlik subyektlarining toifalari toʻgʻrisidagi maʼlumotlar manfaatdor shaxslarga, shu
jumladan ishda foydalanish uchun davlat organlariga elektron shaklda taqdim etiladi.
Tadbirkorlik subyektlarining reyestrini yuritish va undan foydalanish Oʻzbekiston Respublikasi
Vazirlar Mahkamasi tomonidan belgilangan tartibda amalga oshiriladi.
29-modda. Tadbirkorlik subyektlarining bir toifadan boshqasiga oʻtishi
Kichik va oʻrta tadbirkorlik subyektlari xodimlarning belgilangan oʻrtacha yillik sonini va (yoki)
tovar (ish, xizmat)larni realizatsiya qilish boʻyicha oʻrtacha yillik aylanma miqdorini oshirib yuborgan
taqdirda, xodimlar sonini va (yoki) aylanma miqdorini oshirib yuborishga yoʻl qoʻyilgan davr uchun ular
ushbu toifadagi tadbirkorlik subyektlariga nisbatan qonunchilikda nazarda tutilgan imtiyozlar,
preferensiyalar, kafolatlar va huquqlardan mahrum etiladi. Ushbu qoida quyidagi hollarda tatbiq
etilmaydi:
kichik va oʻrta tadbirkorlik subyektlari Oʻzbekiston Respublikasi maktablarining, kasb-hunar
kollejlarining, akademik litseylarining hamda oliy taʼlim muassasalarining bitiruvchilari bilan mehnat
shartnomalari tuzgan taqdirda, band boʻlgan xodimlarning belgilangan oʻrtacha yillik soni koʻpi bilan 50
foiz oshadigan boʻlsa. Xodimlar sonining oshirilishiga Oʻzbekiston Respublikasi maktablarining, kasb-
hunar kollejlarining, akademik litseylarining va oliy taʼlim muassasalarining bitiruvchilari oʻqishni
tugallagan kunidan boshlab koʻpi bilan uch yil oʻtgan boʻlsa, yoʻl qoʻyiladi;
kichik va oʻrta tadbirkorlik subyektlari uyda ishlayotgan fuqarolar (kasanachilar) bilan mehnat
shartnomalari tuzgan taqdirda, band boʻlgan xodimlarning belgilangan oʻrtacha yillik soni koʻpi bilan 30
foiz oshadigan boʻlsa.