Lim vazirligi guliston davlat universiteti

Mirzo Ulugbek tumani —Toshkent shaxrining shimoli-sharqiy tomonida joylashgan bo’lib, 1929 yili tashkil topgan. Aholisi 248,1 ming kishi (2001 yil). Mazkur tuman maydoni va aholi soniga ko’ra mos ravishda 11,3 va 11,6 foizni tashkil etadi.
Toshkent shaxri sanoat majmuida tumanning ulushiga ko’ra M. Ulutbek tumani 10,2 foizga (2000 i.) teng. Sanoat mahsulotining 97,2 foizi nodavlat sektoriga to’g’ri keladi. Tumanda jami 65 ta sanoat korxonasi bor. Yirik sanoat korxonalari jumlasiga paxta terish mashinalari ishlab chiqaruvchi O’rta Osiyodagi yagona Toshkent traktor zavodi, «O’rta Osiyo kabel», «ToshEks» ishlab chiqarish birlashmalari, lak-buyok, grammplastinka, ekskavator, non va konserva zavodlari kiradi. Toshkent traktor zavodi bazasida AQSh bilan hamkorlikda «Keys» qishloq xo’jaligi traktorlarini ishlab chiqarish yo’lga qo’yildi.
Tumanda 42 umumta’lim maktablari, 5 o’rta maxsus o’quv yurtlari, 1 akademik litsey, 10 kasalxona, «Ona va bola» salomatlik markazi, 11 poliklinika mavjud. Oliy o’quv yurtlaridan Madaniyat, Irrigatsiya va qishloq xo’jaligini mexanizatsiyalash injenerlari instituti, Jismoniy tarbiya instituti, M.Ashrafiy nomidagi konservatoriya, Umumkushin komandirlari oliy bilim yurti, Ichki ishlar vazirligi Oliy maktabi, 30 ga yaqin kutubxonalar, madaniyat va istiroxat bog’lari joylashgan.
Yakkasaroy tumani— 1936 yili tashkil topgan. Aholisi 110,5 ming kishi (2001 i.). Toshkent shaxri maydonining 4,8 foizi, aholisining esa 5,1 foizini tashkil qiladi. Yakkasaroy tumani Toshkent shaxri sanoat mahsulotining 8,8 foizini ishlab chiqaradi. Bunda nodavlat sektorining xissasi 93,5 foizga teng. Tumanda 47 sanoat korxonalari joylashgan. Toshkent to’qimachilik kombinati, «Elbor» ishlab chiqarish birlashmasi, to’qimachilik mashinasozligi zavodi, «Promstroyindo’striya» birlashmasi, «Polimer» zavodi, non zavodi, poyafzal fariqasi kabi yirik sanoat korxonalari bor.
Tumanda Toshkent davlat pedagogika universiteti, to’qimachilik va engil sanoat instituti, san’at instituti, ilmiy-tadqiqot, loyihalash, institutlari, 4 o’rta maxsus o’quv yurti, 2 akademik litsey, o’rta maktablar, 15 maktabgacha tarbiya muassasalari, 7 poliklinika, halq amaliy san’ati muzeyi, rassomlar uyushmasi ko’rgazma zali, ko’plab maishiy, savdo xizmati muassasalari ishlab turibdi.